Śpiecsłužby prydumali novy sposab, jak źbirać fota biełarusaŭ zamiežža z sustrečy ź Cichanoŭskimi
Dziaŭčyna, zhienieravanaja štučnym intelektam, zaklikaje dasyłać fota z «našaj simvolikaj», kab paŭdzielničać u konkursie na samaje pryhožaje fota z sustrečy ź Siarhiejem Cichanoŭskim.
U subotu ŭ Vilni adbudziecca sustreča Cichanoŭskich ź biełarusami Vilni. Pa čatach biełarusaŭ Litvy ciapier rassyłajuć novy fejk. Žančyna, zhienieravanaja ŠI, kaža, što na sustrečy ź Siarhiejem i Śviatłanaj Cichanoŭskimi budzie konkurs. Maŭlaŭ, treba dasłać joj fota i videa sa svaim tvaram i nacyjanalnaj simvolikaj, a ŭ vyniku možna atrymać pryz.
«Ofis Śviatłany Cichanoŭskaj, napeŭna, padtrymaje našu inicyjatyvu i ŭznaharodzić pieramožcu», — padsumoŭvajecca ŭ videa.
Chutčej za ŭsio, heta praciah pracy śpiecsłužbaŭ pa vyličeńni ŭdzielnikaŭ biełaruskich mitynhaŭ u emihracyi. Dniami takija pravakacyi adbyvalisia pierad sustrečaj ź Cichanoŭskimi ŭ Varšavie.
Sustreča ź Siarhiejem i Śviatłanaj Cichanoŭskimi adbudziecca 28 červienia ŭ 12:00 u Vilni na płoščy Vincasa Kudzirki.
«Naša Niva» — bastyjon biełaruščyny
PADTRYMAĆŚpiecsłužby pad vyhladam «druku simvoliki i ściahoŭ» sprabujuć padbić biełarusaŭ zamiežža pieradać svaje asabistyja źviestki
Śpiecsłužby šukajuć fatohrafaŭ na mitynh Cichanoŭskich praz skradzieny akaŭnt aryštavanaj redaktarki Vikipiedyi
Nieviadomyja sprabujuć naniać fatohrafa dla zdymki prysutnych na sustrečy ź Cichanoŭskim u Varšavie
Kamientary