Padborka desiertaŭ ź lasnymi jahadami

Lohkija, prostyja ŭ hatavańni i smačnyja. Pryhatavanyja ź siezonnych jahad, biez cukru, hetyja desierty mohuć stać važnaj častkaj racyjonu i padyduć u tym liku dla samych maleńkich.

Fota: dziecisawazne.pl

Piasočnyja tartaletki ź jahadnym žele

Spatrebicca:

• 150 h pšaničnaj muki
• 50 h mołataha mindalu
• 300 mł chałodnaj vady
• 100 mł aleju
• pa žadańni — ščopać soli
• 6 stałovych łyžak siropu ahavy
• 2 šklanki malinaŭ i čarnic
• 2 čajnyja łyžki ahar-aharu

Jak hatavać:

Z muki, mindalu, 100 mł vady, aleju, soli i dźvie stałovyja łyžki siropu ahavy zamiešvajem ciesta. Raskačvajem jaho ŭtoŭščki 2—3 mm, vyrazajem kružki i vykładajem imi zmazanyja alejem formy dla tartaletak. Pryciskajem ciesta da dna i bakoŭ formy, nakołvajem videlcam i vypiakajem u duchoŭcy, razahretaj da 180°C, kala 15 chvilin. Astudžvajem.

U kastrulu ŭlivajem 200 mł vady, dadajom jahady, varym niekalki chvilin, pakul jany nie pačnuć razvalvacca.

Dadajom ahar i sirop z ahavy, jaki zastaŭsia, varym jašče prykładna 5 chvilin, zredku pamiešvajučy. Trochi astudžajem, pakul žele krychu nie zahuśnie. Ulivajem jahadnuju masu ŭ piasočnyja košyki, stavim u chaładzilnik na hadzinu.

Zapiečanyja jahady pad kroškaj

Spatrebicca:

• 100 h čarnic
• 100 h sunic
• 3 jabłyki
• 2 stałovyja łyžki aŭsianych šmatkoŭ
• 2 stałovyja łyžki hreckich arechaŭ
• 2 stałovyja łyžki abłuplenaha słaniečnika
• 2 stałovyja łyžki miodu
• 2 stałovyja łyžki masła
• liściki mielisy
• mołatyja karyca i kardamon

Jak hatavać:

Čarnicy i sunicy myjem. Jabłyki taksama myjem, vyrazajem u ich siaredzinu i narazajem paŭkolcami. U maleńkija formački dla zapiakańnia spačatku vykładvajem čarnicy i sunicy. Źvierchu — jabłyki.

Aŭsianyja šmatki, arechi i słaniečnik zdrabniajem u blendary. Dadajom u krošku miod, masła i śpiecyi, źmiešvajem. Pasypajem hetaj kroškaj jahady ź jabłykami.

Zapiakajem u duchoŭcy, razahretaj da 180°C, kala 15 chvilin. Mielisu pramyvajem i ŭpryhožvajem joj hatovy desiert.

Sałata z hrylavanych abrykosaŭ i ažyn

Inhredyjenty:

• 5 abrykosaŭ
• 100 h ažyn
• 1 čyrvonaja cykoryja
• 1 zialonaja cykoryja
• žmieńka arechaŭ kešju
• 2 stałovyja łyžki aliŭkavaha aleju
• 1 čajnaja łyžka balzamičnaha vocatu
• 1 čajnaja łyžka miodu
• sol, pierac

Jak hatavać:

Sadavinu, jahady i cykoryju pramyvajem. Abrykosy razrazajem napałam i vydalajem kostački. Palivajem ich stałovaj łyžkaj aleju i absmažvajem na patelni-hryli z abodvuch bakoŭ.

Cykoryju razryvajem na listy i vykładvajem na talerki. Źvierchu kładziom abrykosy i ažyny.

Arechi padsmažvajem na suchoj patelni da załacistaha koleru, pasypajem imi sałatu. Z druhoj łyžki aleju, vocatu, miodu, soli i piercu robim zapraŭku i palivajem joj sałatu.

Z-za najaŭnaści kešju hetaja strava pasuje tolki dla dziaciej starejšych za 1 hod.

Kamientary da artykuła