Tramp znajšoŭ kupca dla amierykanskich aktyvaŭ tyktoka
Prezident ZŠA Donald Tramp paviedamiŭ, što znajšoŭ pakupnika dla amierykanskaj častki papularnaj sacsietki TikTok, jakoje naležyć kitajskaj kampanii. Adnak jon adznačyŭ, što zaviaršeńnie ździełki budzie zaležać ad zhody Kitaja i jaho lidara Si Czińpina.
Donald Tramp. Fota: AP, Alex Brandon
Tramp skazaŭ, što pakupnikom źjaŭlajecca hrupa vielmi bahatych ludziej.
Raniej Tramp užo niekalki razoŭ adkładaŭ zabaronu na TikTok u ZŠA, jakaja pavinna była ŭstupić u siłu ŭ studzieni 2025 hoda, pakolki ŭrad ZŠA turbavali suviazi sacsietki z uładami Kitaja.
Pavodle płana, amierykanskija apieracyi TikTok buduć vydzielenyja ŭ asobnuju kampaniju, jakaja budzie bazavacca ŭ ZŠA i ŭ asnoŭnym naležać i kantralavacca amierykanskimi inviestarami.
Tramp taksama adznačyŭ, što niezadavolenaść Kitaja novymi amierykanskimi mytami pryviała da prypynieńnia pieramoŭ pa prodažy TikTok. Ale 10 krasavika jon zajaviŭ, što ździełka pa prodažy amierykanskich aktyvaŭ TikTok jašče moža adbycca.
Čytajcie taksama:
Sienatar Hrem: Tramp padtrymaŭ novyja sankcyi suprać Rasii
Paźniak: Tramp ščyra nie razumieje, što za blednaja mol šalaścić pierad im
Demakratyčnaja Respublika Konha i Ruanda padpisali ŭ kabiniecie Trampa mirnaje pahadnieńnie