U mai prezident ZŠA admoviŭsia ŭvodzić sankcyi suprać Maskvy.
Prezident ZŠA Donald Tramp padtrymaŭ zakonaprajekt ab pošlinach u 500% suprać krain, jakija handlujuć z Rasijaj, niahledziačy na vajnu va Ukrainie. Z takim śćviardžeńniem u niadzielu, 30 červienia, vystupiŭ suaŭtar zakonaprajekta, sienatar-respublikaniec Lindsi Hrem u intervju amierykanskamu telekanału ABC, paviedamlaje Deutsche Welle.
«Učora ŭpieršyniu prezident skazaŭ mnie, kali my ź im hulali ŭ holf, što pryjšoŭ čas prasunuć zakonaprajekt», — skazaŭ Hrem.
Pavodle jaho słoŭ, razhlad dakumienta pačniecca «paśla lipieńskaha pierapynku», heta značyć paśla śviatkavańnia Dnia niezaležnaści ZŠA. Rabota Kanhresa pavinna adnavicca 7 lipienia.
Hrem za pošliny suprać Indyi i Kitaja.
«Kali vy kuplajecie tavary ŭ Rasii i nie dapamahajecie Ukrainie, to buduć taryfy ŭ 500% na vašy tavary, što iduć u ZŠA. Indyja i Kitaj kuplajuć 70% pucinskaj nafty, padtrymlivajučy vajennuju mašynu. Moj zakonaprajekt padtrymlivajuć 84 sienatary. Jon daść mahčymaść prezidentu nakłaści sankcyi na Indyju, Kitaj i inšyja krainy, kab jany spynili finansavańnie vajennaj mašyny Pucina i sieli za stoł pieramoŭ», — skazaŭ Hrem.
Jon ličyć, što pryniaćcie zakonaprajekta daść Trampu «instrumient, jakoha ŭ jaho ciapier niama».
Sienatar uchiliŭsia ad adkazu na pramoje pytańnie, ci padpiša prezident zakonaprajekt.
Ciapier čytajuć
Łukašenka zahavaryŭ pra prarasijskaść Cichanoŭskaha, bajučysia nazvać jaho imia37
Kamientary
Choć heta i naškodziła ekanomicy Saudaŭskaj Arabii ŭ karotkaterminovaj perspektyvie, vyhladaje, što ZŠA akazali finansavuju padtrymku. Jak śviedčyć adna krynica, tahačasny dyrektar CRU Kiejsi prapanavaŭ šejcham finansavyja reparacyi ŭ abmien na hety krok. Heta paćviardžajecca tym faktam, što ŭ 1986 hodzie 80% saudaŭskaj nafty pradavałasia praz amerykanskija kampanii, takija jak Exxon, Mobil, Texaco i Chevron.
U vyniku Balšavickaja imperyja pahruziłasia ŭ hłybokuju recesiju. Užo dalikatnaje, centralizavana planavanaje haspadarka Balšavickaj imperyi nie zmahła spravicca z šokam. Zamiežnaja zapazyčanaść SSSR vyrasła z 30 miljardaŭ dalaraŭ u 1986 hodzie da 50 miljardaŭ dalaraŭ u 1989 hodzie.
Urešcie, ceny na naftu adnavilisia, dasiahnuŭšy prybytkovaści dla Saudaŭskaj Arabii ŭ pačatku 2000-ch. Ale da taho času jany, vierahodna, nazapasili značnyja suverennyja fondy z vysokaprybytkovych 1970-ch hadoŭ. ZŠA ž, tym časam, atrymali značny prybytak. U 1986 hodzie amerykanskija benzakalonki navat razdavali biaspłanny benzin u jakaści reklamy.
Hety abvał cenaŭ na naftu byŭ hałoŭnym faktaram pieramohi ZŠA ŭ Chałodnaj vajnie. Vynikovyja ekanamičnyja ciažkaści vymusili Balšavickaha mafijoznaha bosa Michaiła Harbačova pajści na niepapularnyja palityčnyja sastupki. Jahonyja sproby reformaŭ (jahonaj imperyi) byli asudžanyja na pravał z-za niedachopu srodkaŭ. Rytoryka Harbačova nie znajšła vodhuku ŭ nasielnictva, jakoje ŭsio bolš biednieła i patrabavała adkaznaści za niedalnabačnyja dziejańni ŭradu. Heta adkryła šlach dla antykalanijalnaj žorstkaj krytyki ŭsioj Balšavickaj imperskaj systemy. Da kanca 1980-ch hadoŭ raspad Balšavickaj imperyi byŭ niepaźbiežny.