Kit Kiełah zajaviŭ, što mirnyja pieramovy tarmozić Rasija
Śpiecyjalny pradstaŭnik prezidenta ZŠA Kit Kiełah zajaviŭ, što mienavita Rasija, a nie ZŠA ci Ukraina, tarmozić mirnyja pieramovy, jakija tyčacca zakančeńnia poŭnamaštabnaj vajny, raspačataj Maskvoj.
Kit Kiełah. Fota: Dursun Aydemir/Anadolu via Getty Images
Jon adreahavaŭ na słovy pres-sakratara Kramla Dźmitryja Piaskova, jaki raniej skazaŭ, što dalejšy los pieramoŭ zaležyć ad pazicyi Kijeva i Vašynhtona. Kiełah nazvaŭ takija zajavy «pierakručvańniem faktaŭ u styli Orueła» i padkreśliŭ, što abvinavačvańni Rasii suprać Ukrainy i ZŠA biespadstaŭnyja.
Pavodle słoŭ Kiełaha, prezident ZŠA paśladoŭna vystupaje za spynieńnie vajny i zaklikaje da nieadkładnaha pieramirja i pačatku trochbakovych pieramoŭ. Jon adznačyŭ, što Rasija nie pavinna adnačasova kazać pra mir i praciahvać bambavać cyvilnyja abjekty va Ukrainie.
Pieramovy pamiž Ukrainaj i Rasijaj užo dvojčy prachodzili ŭ Stambule, ale na ich udałosia abmierkavać tolki humanitarnyja pytańni. Apošniaja sustreča adbyłasia 2 červienia, dzie Rasija pieradała Ukrainie dakumient ź nieprymalnymi ultymatumami. Niahledziačy na heta, Uładzimir Pucin zajaŭlaje, što hatovy da nastupnaha raŭndu pieramoŭ.
Čytajcie taksama:
Tramp znajšoŭ kupca dla amierykanskich aktyvaŭ tyktoka
Sienatar Hrem: Tramp padtrymaŭ novyja sankcyi suprać Rasii
Paźniak: Tramp ščyra nie razumieje, što za blednaja mol šalaścić pierad im