Na adnoj ź biełaruskich tras ustalavali LED-majački
Na 8-m kiłamietry aŭtadarohi R-39 «Rahačoŭ — Žłobin» ustalavali śviatłodyjodnyja śviacilniki. Ich ubudavali prosta ŭ darožnaje pakryćcio ŭzdoŭž vosievaj i krajavoj linii raźmietki, paviedamlaje DAI Homielskaj vobłaści.
Kožny umantavany śviacilnik abstalavany soniečnaj panellu. Dniom jon nazapašvaje enierhiju, a ŭnačy — jarka śviecicca, robiačy raźmietku vielmi prykmietnaj navat u poŭnaj ciemry abo pry drennych umovach nadvorja.
Paviedamlajecca, što śviacilniki nie pieraškadžajuć ruchu mašyn i ŭborcy śniehu. Adlehłaść pamiž imi — prykładna 4-5 mietraŭ.
Pry najeździe na śvietłavy elemient uźnikaje vyrazny šumavy efiekt, jaki sihnalizuje kiroŭcu pra nieabchodnaść viarnucca ŭ pałasu ruchu.
Jak śćviardžaje DAI, heta pieršaja takaja daroha ŭ Biełarusi.
Čytajcie taksama:
Na adnym sa skryžavańniaŭ u Homieli nanieśli padvojnyja «ziebry». Navošta heta?
Na MKAD moža źjavicca čaćviortaja pałasa — dla cichachodnaha transpartu i śpiectechniki
U Minsku ŭžo źjaviłasia novaja siniaja raźmietka
«Jandeks.Karty» navučylisia pakazvać raźmietku na minskich darohach