Na adnym sa skryžavańniaŭ u Homieli nanieśli padvojnyja «ziebry». Navošta heta?
U Homieli na skryžavańni praśpiekta Pieramohi i Pryvakzalnaj płoščy źjaviłasia novaja darožnaja raźmietka — padvojnaja «ziebra» sa strełkami, jakija pakazvajuć kirunak ruchu. Heta pakul adziny taki piešachodny pierachod u horadzie, i jaho pastavili ŭ ramkach ekśpierymientu.
Pavodle infarmacyi DAI, takoje novaŭviadzieńnie pavinna pavysić biaśpieku na darohach. Kali vynik budzie stanoŭčym, padobnuju raźmietku płanujuć rabić i na inšych učastkach.
Taki typ raźmietki vykarystoŭvajecca na šyrokich pierachodach (bolš za 6 mietraŭ). Pierachod nibyta padzieleny na dźvie pałasy dla roznych napramkaŭ ruchu. Strełki pa bakach pakazvajuć, pa jakoj častcy treba iści, kab ludzi nie sutykalisia — heta značyć, kab usie trymalisia pravaha boku.
DAI ličyć, što heta pamienšyć kolkaść kanfliktaŭ pamiž piešachodami, jakija mohuć uźnikać pry chaatyčnym ruchu. Kiroŭcam rekamiendujuć być uvažlivymi, bo piešachody ciapier mohuć iści pa roznych častkach pierachodu. A samim piešachodam — prytrymlivacca strełak.
Pry hetym u praviłach darožnaha ruchu pakul niama pramoha apisańnia, jak karać za ihnaravańnie strełak abo pierachod pa sustrečnaj «ziebry», tamu nijakich aficyjnych nastupstvaŭ nie čakajecca — chiba što niezadavolenaść inšych ludziej.
U cełym u DAI padkreślivajuć, što heta čarhovy krok u źnižeńni avaryjnaści.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia17
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary