«Jandeks.Karty» navučylisia pakazvać raźmietku na minskich darohach
Na biełaruskim transpartnym forumie zaŭvažyli, što «Jandeks.Karty» navučylisia pakazvać raźmietku na minskich darohach. Praŭda, miarkujučy pa ŭsim, taki režym adlustravańnia pakul što dastupny jašče nie ŭsim, piša Blizko.by.
Ciapier možna pahladzieć, jak arhanizavany ruch pa pałosach, asabliva ŭ miescach sa składanym darožnym rucham (naprykład, na kalcavych skryžavańniach), dzie jość vydzielenyja pałosy dla hramadskaha transpartu i hetak dalej.
U mabilnym dadatku «Jandeks.Kartaŭ» treba ŭvajści ŭ režym navihatara i ŭklučyć u naładach punkt «Detalizavanyja darohi: pakazvajecca padrabiaznaja raźmietka».
Pry pracy z kampjutara treba pastavić ptušačku kala punkta «Novaja karta: inšy koler daroh, budynkaŭ i pryrodnych zon».
Praŭda, u kampjutarnaj viersii kartaŭ hety punkt naładaŭ pakazvajecca pakul što nie ŭsim.
U bujnych haradach Rasii (Maskva, Sankt-Pieciarburh, Vałhahrad, Jekaciarynburh, Nižni Noŭharad, Ufa) takaja raźmietka pačała adlustroŭvacca jašče ŭ kastryčniku 2023-ha.
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary