Cichanoŭskaja pavinšavała litoŭcaŭ z Dniom karanacyi Mindoŭha

6 lipienia, u Dzień dziaržaŭnaści Litvy, jaki źviazvajecca z karanacyjaj vialikaha kniazia litoŭskaha Mindoŭha ŭ XIII stahodździ, lidarka demakratyčnych siłaŭ Biełarusi Śviatłana Cichanoŭskaja pavinšavała litoŭski narod sa śviatam i adznačyła supolnaść našaj historyi.

Fota pres-słužby Śviatłany Cichanoŭskaj

U sacyjalnaj sietcy X Cichanoŭskaja napisała:

«Siońnia adznačajecca karanacyja Mindoŭha — pieršaha vialikaha kniazia litoŭskaha. Biełaruski narod hanarycca ahulnaj historyjaj i vielmi ŭdziačny Litvie za siabroŭstva i padtrymku ŭ našaj baraćbie za svabodu».

Jak ličycca, tytuł vialikaha kniazia litoŭskaha Mindoŭh atrymaŭ u 1230-ch hadach, a z 1253 hoda da svajoj śmierci ŭ 1263-m ličyŭsia karalom Litvy. Dakładnaja data karanacyi ŭ histaryčnych krynicach nie paznačanaja, toje, što heta adbyłosia mienavita 6 lipienia 1253 hoda — pytańnie dyskusijnaje.

U adroźnieńnie ad Biełarusi, u Litvie dzień karanacyi Mindoŭha štohod uračysta adznačajecca na dziaržaŭnym uzroŭni. 6 lipienia aficyjna abjaŭlena Dniom dziaržaŭnaści Litvy, heta śviatočny niepracoŭny dzień. 

Kamientary da artykuła