Usaŭ pastaviŭ kryž na palityčnaj karjery Siarhieja i Śviatłany Cichanoŭskich
Palityk i paplečnik Zianona Paźniaka adkazaŭ na kryk dušy Siarhieja Cichanoŭskaha.
Palityk Pavieł Usaŭ, jaki pryśviaciŭ siabie krytycy pracy Śviatłany Cichanoŭskaj i jaje paplečnikaŭ, zajaviŭ, što na hetym karjera Cichanoŭskaha i Cichanoŭskaj skončyłasia.
Tak paplečnik Zianona Paźniaka adreahavaŭ u fejsbuku na zvarot Cichanoŭskaha, jaki paskardziŭsia na niedastatkovuju padtrymku biełarusaŭ.
«Miarkuju, što na hetym karjera Cichanoŭskaha i Cichanoŭskaj skončyłasia. Mahčyma ŭ hetym i była zadumka ŭładaŭ. Heta ž treba tak prynizić biełarusaŭ, tym, što jany nie kupilisia na vidavočnuju čarhovuju avanturu!» — narakaje Usaŭ.
Čytajcie taksama: U Paźniaka zajavili, što na ichniaj akcyi ŭ Varšavie było 55 čałaviek
Palityk nahadaŭ, što biełarusy sabrali bolš za paŭmiljona dołaraŭ na padtrymku palitźniavolenych, a taksama sabrali sotni tysiač Pałku Kalinoŭskaha. I praciahvajuć źbirać na dapamohu tym, kamu jana patrebnaja.
«Tyja ž chto zahinuŭ, zapłaciŭ svaim žyćciom, pajšli na heta nie dziela taho, kab niechta «baviŭsia ŭ palityku», i abražaŭ narod. Takija zajavy, taksama słužać tamu kab padarvać unutrany davier i salidarnaść. Sapraŭdy biełarusy nie zasłuhoŭvajuć takich «lidaraŭ»», — stavić palityčny dyjahnaz Usaŭ.
Siarhiej Cichanoŭski siońnia vypuściŭ karotki zvarot. Były palitviazień kaža, što biełarusy nikoli nie viernucca dadomu, kali nie pavierać u samich siabie. Cichanoŭski narakaŭ na toje, što paśla papiaredniaha zakliku jamu zadanacili ŭsiaho 1 tysiaču jeŭra.
Ciapier čytajuć
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie77
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie7
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary