«Heta zusim inšy padjezd». Biełarusy skardziacca na farmalnuju pracu słužby 115.bieł

U Kobrynie žycharka horada źviarnułasia ŭ słužbu 115.bieł z prośbaj abrezać kusty kala padjezda, bo jany pieraškadžali ludziam prachodzić. Praź niekatory čas pryjšło paviedamleńnie: zajaŭka vykananaja i zakrytaja. Ale na spravie ŭsio akazałasia inakš, piša BG.Media.

Skrynšot ź videa

Na videa, jakoje žančyna vykłała ŭ sieciva, vidać, što supracoŭniki padstryhli zusim inšyja kusty — i nie kala taho padjezda, jaki byŭ paznačany ŭ zajaŭcy. Jany prosta «papracavali» niedzie pobač, ale da patrebnaha miesca navat nie dajšli.

«Pa-pieršaje, heta zusim inšy padjezd. Voś, z hetaha boku, jak jany «papracavali». Voś takuju pracu jany zrabili i zakryli zajaŭku», — ź ironijaj kamientuje žančyna.

Heta nie adzinkavy padobny vypadak: žychary roznych haradoŭ rehularna skardziacca na farmalny padychod słužby 115.bieł. Naprykład, u Breście mužčyna try miesiacy sprabavaŭ damahčysia ramontu raźbitaj darohi, ale darma — tolki paśla publikacyi ŭ tyktoku ŭłady ŭsio ž taki adreahavali.

Kamientary da artykuła