U Kobrynie kapitalny ramont zrabili tak, što paśla daždžu ŭsio paciakło
Dom znachodzicca pa vulicy Dziaržynskaha, 30/1. Zaviaršyć raboty płanavali 30 maja, ale napiaredadni prajšoŭ doždž, i žychary pabačyli vynik pracy budaŭnikoŭ, zaŭvažyła «Lusterka».
Vada praciakała nad i pad voknami, ścieny byli mokryja, u kvaterach — łužyny na padłozie i špalery, jakija abryvalisia. Na kuchni vada ciakła sa stoli prosta ŭ taziki i kastruli.
Adna z žycharak apublikavała videa ŭ tyktoku, dzie pakazała nastupstvy. Jana napisała, što kožnaja kvatera zapłaciła za ramont kala 3 000 rubloŭ.
Zamoŭcam ramontu była «Kobrynskaja ŽKH», a asnoŭnym padradčykam — «Paleśsiežyłbud». Paśla incydentu na miesca pryjechali pradstaŭniki hetych arhanizacyj i čynoŭniki, kab acanić situacyju i pahavaryć z žycharami.
Akazałasia, što budaŭniki nie zakryli adzin z učastkaŭ dachu, tamu vada i trapiła ŭ kvatery.
Usie paškodžańni buduć likvidavanyja za košt vinavataj arhanizacyi. Z kožnym žycharom składzienyja akty ahladu, paśla vysychańnia ścien buduć vyznačać, što mienavita treba ramantavać — kolki kvadratnych mietraŭ stoli, špaleraŭ i h. d.
Raboty abiacajuć vykanać u poŭnym abjomie, a vinavatych pakarajuć.
Ciapier čytajuć
Aryštavany čynoŭnik, jaki moh stać nastupnym ministram achovy zdaroŭja7
Kamientary