BIEŁ Ł RUS

Hiermanija zajaviła pra łaziernuju ataku Kitaja na jaje samalot u Čyrvonym mory

8.07.2025 / 17:28

Nashaniva.com

Hiermanija abvinavaciła Kitaj u łaziernaj atacy na svoj samalot, jaki ŭdzielničaje ŭ marskoj apieracyi Jeŭrasajuza ASPIDES u Čyrvonym mory. U suviazi z hetym Ministerstva zamiežnych spraŭ Hiermanii vyklikała kitajskaha pasła dla tłumačeńnia situacyi, piša «Jeŭrapiejskaja praŭda».

Fota ilustracyjnaje

Pavodle zajavy niamieckaha MZS, kitajskija vajskoŭcy vykarystali łazier suprać niamieckaha pavietranaha sudna, kali jano vykonvała zadačy ŭ ramkach misii, jakaja skiravanaja na supraćdziejańnie ŭzbrojenym hrupoŭkam jemienskich chusitaŭ.

U MZS padkreślili, što stvareńnie pahrozy žyćciu niamieckaha piersanału i pieraškody dla vykanańnia misii źjaŭlajucca nieprymalnymi.

Jakija mienavita kitajskija siły znachodzilisia ŭ tym rajonie, nie ŭdakładniajecca.

Misija ASPIDES — heta vajskovaja inicyjatyva ES pa harantavańni biaśpieki sudnachodstva ŭ Čyrvonym mory, Piersidskim zalivie i Indyjskim akijanie.

Raniej hienieralny sakratar NATA Mark Rute vykazvaŭ mierkavańnie, što Kitaj moža sprabavać adciahnuć uvahu NATA praź dziejańni Rasii, rychtujučysia da mahčymaj apieracyi pa zachopie Tajvania. Taksama źjaŭlałasia infarmacyja, što kiraŭnik MZS Kitaja paviedamiŭ kiraŭnicy jeŭrapiejskaj dypłamatyi Kai Kałas, što Piekin nie prymie paražeńnia Rasii ŭ vajnie suprać Ukrainy.

Čytajcie taksama:

Tajvań choča adarvać svaju ekanomiku ad Kitaja. Nakolki heta realna?

Rute: Kitaj moža spravakavać Rasiju da napadu na NATA

Kitajski ministr zajaviŭ pradstaŭniku ES, što Piekin nie choča parazy Pucina va Ukrainie

Dałaj-łama prydumaŭ, jak vyznačyć sabie namieśnika i abchitryć Kitaj

Kamientary da artykuła