Hienieralny sakratar NATA Mark Rute vykazaŭ zaniepakojenaść, što ŭ vypadku, kali Kitaj vyrašyć vykarystać siłu suprać Tajvania, jahony lidar Si Czińpin moža paprasić prezidenta Rasii Uładzimira Pucina adciahnuć uvahu Zachadu, raspačaŭšy napad na terytoryju krain NATA. Pra heta Rute 5 lipienia raskazaŭ u intervju vydańniu The New York Times.
Pavodle słoŭ hiensaka NATA, razumieńnie takoj pahrozy stanovicca ŭsio bolš vyraznym.
Kab strymać mahčymyja dziejańni Kitaja i Rasii, Rute prapanuje dva kroki:
1) Umacavańnie samoha aljansu, kab Rasija nie advažyłasia na napad.
2) Pašyreńnie supracoŭnictva z krainami Inda-Cichaakijanskaha rehijona, asabliva ŭ śfiery abarončych technałohij.
Jon padkreśliŭ, što Rasija adnaŭlaje vajskovuju mahutnaść vielmi chutka — ciapier jana vyrablaje bojeprypasaŭ u try razy bolš za try miesiacy, čym uvieś NATA za hod.
Intervju taksama zakranuła rolu ZŠA i mahčymyja nastupstvy viartańnia Donalda Trampa na pasadu prezidenta. Nahadvajecca, što Tramp raniej skieptyčna staviŭsia da NATA i navat pahražaŭ vyjści z aljansu. Adnak Rute pryznaŭ, što patrabavańnie Trampa, kab krainy NATA vydatkoŭvali nie mienš za 2% VUP na abaronu, było pravilnym, i heta dapamahło dasiahnuć ciapierašnich damoŭlenaściaŭ.
Na samicie ŭ Haazie 25 červienia 2025 hoda ŭdzielniki NATA pryznali Rasiju «doŭhaterminovaj pahrozaj» i damovilisia pavialičyć vydatki na abaronu da 5% VUP da 2035 hoda.
U svaju čarhu, rasijski ministr zamiežnych spraŭ Siarhiej Łaŭroŭ krytykavaŭ rost vajskovych biudžetaŭ NATA, nazvaŭšy heta «šlacham da razvału aljansu».
«Jon ministr z časoŭ naradžeńnia Chrystovaha i jašče ni razu nie skazaŭ ničoha vartaha». Mark Rute biez dypłamatyi vykazaŭsia pra Siarhieja Łaŭrova
Jeŭropa zmahła zachavać adzinstva z Trampam na vypadak napadu Rasii
Krainy NATA damovilisia pavialičyć vydatki na abaronu da 5% ad VUP. Raniej na hetym nastojvaŭ Tramp
Rute: NATA treba pavialičyć vydatki na SPA ŭ piać razoŭ
Ispanija vystupiła suprać pavieličeńnia vydatkaŭ na abaronu da 5% ad VUP
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»25
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna29
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary