Niepahadź učora nabiedakuryła ŭ Mahilovie

U Mahilovie ŭ vyniku prachodžańnia navalničnaha frontu i škvalistaha vietru z chutkaściu 23 m/s adbyłosia padzieńnie drevaŭ, u vyniku čaho ŭźnik abryŭ linij elektrapieradačy, suviazi, była parušana sistema enierhazabieśpiačeńnia, paviedamiŭ Mahiloŭski harvykankam.

Fota tut i dalej — Mahiloŭski harvykankam

U vyniku padzieńnia dreŭ spynieny ruch pa vulicy Pieršamajskaj u rajonie abłspažyŭsajuza pad puciepravodam, paškodžany linii elektrapieradač. Viaducca adnaŭlenčyja raboty.

U Mahiloŭskim haradskim vykanaŭčym kamitecie było pryniata rašeńnie ab pačatku pracy kamisii pa nadzvyčajnych situacyjach, razhornuty štab.

Učora mahutny navalničny front i śmierč u Haradockim rajonie vyryvaŭ drevy, źniščaŭ ścieny damoŭ.

Siońnia na bolšaj častcy terytoryi krainy daždžy. U mnohich rajonach navalnicy, pry navalnicach miescami mocnyja zalevy, moža być škvalisty viecier. Maksimalnaja tempieratura pavietra ad +16°S pa paŭnočnym zachadzie da +34°S pa ŭschodzie.

U Minsku doždž (vierahodnaść apadkaŭ 80-90 pracentaŭ), navalnica. Viecier pry navalnicy paryvisty. Dniom +23..+25°S.

@nashaniva Mocny śmierč 09.07 narabiŭ biady ŭ Haradockim rajonie. Taksama niepahadź była i ŭ Mahilovie #biełaruś #tornado #śmierč #biełaruśnovosti #naviny #livień #hrad #mohilev ♬ Crime Scene - Avery Alexander

Kamientary da artykuła