Na miažy z Polščaj mihranty zrabili padkop pad polskim płotam
9 lipienia 2025 hoda supracoŭniki Padlašskaha adździaleńnia Pamiežnaj słužby Polščy zafiksavali bolš za 100 sprob niezakonnaha pierachodu miažy z terytoryi Biełarusi ŭ Polšču.
Adna z hrup mihrantaŭ zrabiła padkop pad achoŭnym płotam, kab trapić na polski bok. U rajonie vioski Michałova bolš za 20 čałaviek z Afhanistana pierabralisia praz hety padkop.
U inšym miescy, kala nasielenaha punkta Naraŭka, mihranty napali na polskich pamiežnikaŭ — kidali ŭ ich kamiani, pietardy, butelki z vadkaściu i raskidali na darozie parezany kalučy drot, kab paškodzić transpart. U vyniku byŭ paškodžany słužbovy aŭtamabil.
Sproby niezakonnaha pierachodu miažy naziralisia taksama ŭ rajonach, jakija kantralujuć pamiežnyja pasty ŭ Płaskaj i Biełaviežy.
Siarod zatrymanych byli ludzi ź Iraka, Afhanistana, Sudana, Kamieruna, Ałžyra i Erytrei.
Čytajcie taksama:
Mihranty atakujuć polskich pamiežnikaŭ kałami z ubitymi ćvikami