Za školnyja padručniki sioleta daviadziecca zapłacić bolš, čym letaś

U 2025 hodzie baćkam biełaruskich školnikaŭ i vychavancaŭ dziciačych sadkoŭ daviadziecca krychu bolš zapłacić za karystańnie padručnikami, čym u minułym hodzie. Heta źviazana z pavieličeńniem bazavaj vieličyni, da jakoj pryviazana płata.

Fota ilustracyjnaje

U 2025 hodzie padručniki buduć kaštavać:

• dla školnikaŭ i himnazistaŭ — 21 rubiel (heta 50% ad bazavaj vieličyni);
• dla dziaciej u dziciačych sadkach — 8 rubloŭ 40 kapiejek (20% ad bazavaj vieličyni).

Šmatdzietnyja siemji mohuć raźličvać na lhoty — jany płaciać za padručniki ŭsiaho 10 rubloŭ 50 kapiejek (heta 50% ad zvyčajnaj sumy).

Biaspłatna padručniki vydajucca:

• vučniam sanatornych škoł-internataŭ, śpiecyjalnych navučalnych i lačebna-vychavaŭčych ustanoŭ;
• dzieciam z asablivaściami psichafizičnaha raźvićcia;
• sirotam i dzieciam biez apieki baćkoŭ;
• dzieciam-invalidam da 18 hadoŭ i invalidam ź dziacinstva;
• dzieciam z ankałahičnymi zachvorvańniami abo tubierkulozam;
• dzieciam ź siemjaŭ, jakija atrymlivajuć dziaržaŭnuju dapamohu na dziaciej starejšych za try hady;
• dzieciam, u jakich adzin z baćkoŭ abo apiekunoŭ źjaŭlajecca invalidam I abo II hrupy.

Kamientary da artykuła