U Biełarusi bankrutuje miascovy filijał mižnarodnaj kansałtynhavaj kampanii
U Biełarusi bankrutuje kansałtynhavaja kampanija, jakaja była častkaj mižnarodnaj hrupy Civitta. Kampanija pavinna kredytoram bolš za 1 miljon rubloŭ, ale nie maje dastatkovych aktyvaŭ, kab raźličycca z daŭhami, piša Office Life.
Fota: Jandeks.Karty
Civitta — mižnarodnaja kansałtynhavaja kampanija, jakaja ŭźnikła ŭ krainach Bałtyi i maje hałoŭny ofis u Estonii. U Biełarusi jana pačała pracu ŭ 2013 hodzie pad nazvaj «Śvita Bi Uaj». Kampanija akazvała pasłuhi ŭ halinie stratehičnaha kansałtynhu, analizu danych, ličbavych rašeńniaŭ i finansavańnia jak dla bizn'su, tak i dla dziaržaŭnych i niekamiercyjnych struktur.
U Biełarusi Civitta stała viadomaja praz svaje ahlady fintech– i startap-ekasistemy. Taksama ŭ 2018 hodzie jana raspracoŭvała stratehiju dla «Biełaŭtadora» ŭ miežach supracy ź JEBRR.
U lipieni 2024 hoda kampanija pryniała rašeńnie zakryć svoj ofis u Biełarusi i pačała praces likvidacyi. Adnak akazałasia, što majomaści «Śvita Bi Uaj» niedastatkova, kab pakryć abaviazki. Pa stanie na lipień 2025 hoda doŭh pieravyšaje 1 miljon rubloŭ, a aktyvy składajuć tolki kala 30 tysiač.
U suviazi z hetym u Ekanamičnym sudzie Minska raspačata sprava ab bankructvie i adkryty konkursny praces.
Čytajcie taksama:
Trochrazovy čempijon Biełarusi pa futbole padaŭ na bankructva
Bankrutuje zavod kampazitnych kanstrukcyj. U jaho chacieli ŭkłaści 220 miljonaŭ jeŭra