Sietku fastfudu Döner King, jakaja raniej była vielmi papularnaja u Minsku, aficyjna abviaścili bankrutam. Takoje rašeńnie pryniaŭ Ekanamičny sud Minska pa zajavie padatkovaj inśpiekcyi, piša Office Life.
U najlepšyja hady ŭ Döner King było kala 20 punktaŭ pa ŭsioj stalicy. Pieršy ź ich adkryŭsia na vulicy Prytyckaha. U mieniu, akramia šaurmy, byli šašłyki i burhiery. Biznes aktyŭna raźvivaŭsia: z 7 ustanoŭ u 2017 hodzie da 18 u 2023-m.
Kampanija «Aŭtsorsinh Karparejšn», jakaja kiravała sietkaj, była stvoranaja ŭ 2011 hodzie dvuma biełarusami, ale paźniej jana pierajšła pad kantrol hramadzian Armienii i Turcyi. Taksama ŭ prajekt inviestavali ŭładalniki miasapierapracoŭčaha zavoda «Ryhor i syny».
Adnak užo ŭ pačatku 2024 hoda sietka faktyčna spyniła pracu i pačała pieradavać abjekty inšym kampanijam. Praź niekalki miesiacaŭ było pryniata rašeńnie ab likvidacyi kampanii.
U vyniku, jak paviedamlajecca, Döner King maje bujnuju zapazyčanaść — zvyš 1,47 miljona rubloŭ, častka ź jakich — pienia. Pry hetym u kampanii niama ni majomaści, ni hrošaj na rachunkach, kab raźličycca z zapazyčanaściami.
Upakoŭki fastfudu i staryja tefłonavyja patelni — strašennaja pahroza. Ale ŭ Biełarusi ich nijak nie ŭtylizujuć. Jak bierahčysia?
U Minsku hatovyja płacić 2000 rubloŭ u miesiac za pajadańnie picy
Pradpryjemstva «Biełryba» zbankrutavała
Pajšoŭ u bankructva restaran, jaki naležaŭ siamji Zinhmana. Daŭhoŭ bolš čym na miljon dalaraŭ, a majomaści na 389 rubloŭ
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich16
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1717
Kamientary
čakaju, kali prybiaruć šaŭrmišnuju la majho domu...