U lasnoj haspadarcy zamianiajuć narady na raźbirańnie burałomaŭ
U biełaruskaj lasnoj haspadarcy admianiajuć usie masavyja mierapryjemstvy, pryznačanyja na lipień. Takoje rašeńnie pryniaŭ ministr lasnoj haspadarki Alaksandr Kulik. Pad admienu traplajuć kulturna-masavyja i spartyŭnyja padziei, a taksama sieminary i narady, kali jany nie źjaŭlajucca nieadkładnymi.
Fota: t.me/minleshoz
Padstavaj dla takoha samaabmiežavańnia stali burałomy, jakija ŭtvarylisia ŭ lasach u vyniku niepahadzi 9—10 lipienia.
Jak adznačyŭ Alaksandr Kulik padčas apieratyŭnaj narady, ciapier hałoŭnaja zadača — nie adciahvać ludziej ad spravy, a jak maha chutčej vyznačyć dakładny abjom paškodžanych lesanasadžeńniaŭ, raźmierkavać raboty i pačać likvidacyju nastupstvaŭ burałomaŭ.
Jon nie vyklučyŭ, što taki režym moža być padoŭžany i na žnivień — u zaležnaści ad situacyi.
Sam Kulik na siońnia pryznačyŭ naradu z kiraŭnikom Mahiloŭskaha abłvykankama Anatolem Isačankam, kab abmierkavać situacyju, acanić maštaby paškodžańniaŭ i vyrašyć, ci patrebna nakiravać u paciarpiełyja rajony dadatkovyja siły i resursy.
Čytajcie taksama:
«Zrabili pravilnyja vysnovy». Ministr enierhietyki acaniŭ likvidacyju nastupstvaŭ niepahadzi
U Minpracy raskazali, chto moža atrymać kampiensacyju za nastupstvy niepahadzi
Jak hłabalnaja źmiena klimatu adabjecca na Biełarusi? Nie zusim tak, jak my ŭjaŭlajem
Śledčy kamitet apublikavaŭ padrabiaznaści hibieli žančyny ŭ Mahilovie, na jakuju ŭpała dreva