U Minpracy raskazali, chto moža atrymać kampiensacyju za nastupstvy niepahadzi
U Ministerstvie pracy i sacyjalnaj abarony raskazali, na jakuju dapamohu mohuć raźličvać tyja, chto paciarpieŭ ad zalevaŭ i mocnych viatroŭ.
U viedamstvie padkreślili, što ŭ takija pieryjady sacyjalnyja słužby aktyvizujuć pracu pa akazańni dapamohi ŭ pieršuju čarhu najbolš uraźlivym katehoryjam — adzinokim pažyłym ludziam i invalidam, jakija vostra majuć u joj patrebu.
Pasłuhami sacyjalnaha absłuhoŭvańnia doma karystajucca bolš za 103 tys. čałaviek, ź jakich 24,5 tys. — adzinokija ludzi.
Ale dapamoha praduhledžana i dla inšych katehoryj. Tyja, čyja majomaść paciarpieła ad stychii, mohuć źviarnucca ŭ terytaryjalny centr sacyjalnaha absłuhoŭvańnia nasielnictva pa miescy žycharstva za adrasnaj dapamohaj u vyhladzie adnarazovaj dapamohi.
U viedamstvie ŭdakładnili, što dapamoha moža być pryznačana tym, u kaho dachod u miesiac na adnaho člena siamji nie pieravyšaje 693,87 rubla.
U svaju čarhu niepracujučyja piensijaniery i invalidy, što paciarpieli ad niepahadzi, mohuć taksama źviarnucca za akazańniem materyjalnaj dapamohi z srodkaŭ Fondu sacyjalnaj abarony nasielnictva.
Nahadajem, napiaredadni ad navalničnaha frontu paciarpieli žychary Viciebskaj i Mahiloŭskaj abłaściej. Zaleŭny doždž z hradam abrynuŭsia i na Minsk i Mins vobłaść.
Ciapier čytajuć
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła10
Kamientary