Danija dapamoža Ukrainie sa spadarožnikavaj suviaźziu, kab pasłabić zaležnaść ad Maska
Danija budzie davać Ukrainie spadarožnikavuju suviaź praź Jeŭrapiejskaje abaronnaje ahienctva. Pra heta 14 lipienia paviedamiła Ministerstva abarony Danii, piša «Jeŭrapiejskaja praŭda».
Fota ilustracyjnaje
Ukrainskija vajskoŭcy atrymajuć dostup da terminałaŭ, jakija dazvolać zabiaśpiečyć nadziejnuju i abaronienuju suviaź padčas bajavych dziejańniaŭ. U dackim viedamstvie adznačajuć, što takaja dapamoha istotna ŭmacuje mahčymaści Ukrainy supraćstajać rasijskaj ahresii.
Pasłuhi buduć arhanizavanyja praz strukturu ES, jakaja zajmajecca abaronnym supracoŭnictvam pamiž krainami-členami. Danija spadziajecca, što i inšyja jeŭrapiejskija krainy padtrymajuć hetuju inicyjatyvu.
Ciapier Ukraina ŭ značnaj stupieni karystajecca spadarožnikavaj suviaźziu Starlink ad kampanii SpaceX Iłana Maska. Adnak na fonie niavyznačanaści adnosna dalejšaj padtrymki z boku Starlink jeŭrapiejskija krainy šukajuć inšyja šlachi dla zabieśpiačeńnia stabilnaj suviazi dla Kijeva.
Čytajcie taksama:
Jeŭrapiejski kankurent Starlink pryznaŭ, što nie moža zamianić jaho va Ukrainie
Mask namiaknuŭ, što moža adklučyć Starlink va Ukrainie — Polšča hatovaja šukać zamienu
Polšča ŭpieršyniu rezka adreahavała na infarmacyju z ZŠA. Havorka pra «Starlinki» dla Ukrainy