Jeŭrapiejski kankurent Starlink pryznaŭ, što nie moža zamianić jaho va Ukrainie
Nadziei na toje, što jeŭrapiejski apieratar Eutelsat moža zamianić va Ukrainie spadarožnikavuju suviaź, jakuju daje kampanija Iłana Maska, nie apraŭdvajucca. Pakul Starlink, jak i skazaŭ Mask, zastajecca «chrybtom» ukrainskaj armii ŭ pytańniach zabieśpiačeńnia suviazi, piša The Moscow Times.
«Dobra było b mieć mnostva opcyj dla zabieśpiačeńnia Ukrainy spadarožnikavaj internet-suviaźziu, tamu što ciapier praca sa Starlink — heta zaležnaść ad tych, chto prymaje rašeńni ŭ Biełym domie abo pryvatnaj rezidencyi Donalda Trampa Mar-a-Łaha, skazała vydańniu Politico Jeva Bierniekie, hienieralny dyrektar Eutelsat.
Ale najaŭnyja ciapier alternatyvy, uklučajučy Eutelsat, nie zdolnyja zamianić Starlink, pryznała jana.
«Budziem vielmi ščyryja. Kali b nam daviałosia zabiaśpiečvać usiu suviaź dla Ukrainy i ŭsich jaje hramadzian, my b nie zmahli hetaha zrabić, — skazała Bierniekie. — Ale ja miarkuju, što my možam zabiaśpiečyć pracu niekatorych krytyčna važnych uradavych funkcyj».
U zaležnaści ad scenaryjaŭ vykarystańnia sietka Starlink moža zabiaśpiečyć nad Ukrainaj u 23-490 razoŭ bolš jomistaści, čym Eutelsat. Letaś u krainie vykarystoŭvałasia bolš za 42 000 jaje terminałaŭ.
«Ja nie dumaju, što nam treba niešta blizkaje da hetaj kolkaści, ale možna padumać chacia b pra paru tysiač… Kab mieć rezierv u krytyčna važnych miescach», — skazała Bierniekie.
U sakaviku Iłan Mask papiaredziŭ, što «ŭsia linija frontu abryniecca, kali ja adkluču» Starlink. Nadziejnaść suviazi z-za jaho pazicyi taksama apynułasia pad pytańniem paśla taho, jak Vašynhton u pačatku sakavika prypyniŭ pastaŭki zbroi Kijevu i abmien raźvieddanymi.
Tamu ŭ Jeŭrasajuzie stali šukać alternatyvy. Jeŭrapiejskaja kamisija prapanavała prafinansavać ich raźvićcio, pisała Financial Times sa spasyłkaj na padrychtavany joju abaronny dakumient.
Eutelsat ličycca hałoŭnaj takoj alternatyvaj dziakujučy vałodańniu apierataram suviazi OneWeb. Ale ŭ OneWeb usiaho 630 spadarožnikaŭ, raźmieščanych na vyšyni 1200 km nad ziamloj, tady jak u Starlink — 7000 spadarožnikaŭ na vyšyni 550 km, dziakujučy čamu apošnija lepš pakryvajuć pavierchniu, a čas zatrymki sihnału ŭ ich mienšy, što asabliva važna pry viadzieńni bajavych dziejańniaŭ.
Eutelsat ciapier viadzie pieramovy ź ES, kab atrymać finansavańnie dla adpraŭki ŭ Ukrainu bolšaj kolkaści terminałaŭ i, mahčyma, budučych zapuskaŭ spadarožnikaŭ z metaj pavialičyć jomistaść sietki ŭ najbližejšyja hady.
«Dyskusii na ŭzroŭni ES sapraŭdy viaducca, jak z krainami, jakija ŭvachodziać u Sajuz, tak i z udzielnikami haliny», — paćvierdziŭ Politico pradstaŭnik Jeŭrakamisii Tomas Rehnir. Ale pakul Starlink, jaki zrabiŭ technałahičny praryŭ, prapanuje unikalnyja pasłuhi, kaža Krystafier Bauch, ekśpiert pa kaśmičnaj halinie z kansałtynhavaj kampanii Analysys Mason:
«Supracoŭnictva pamiž dziaržaŭnym i pryvatnym siektaram [u Jeŭropie] — heta dobra, ale pakul heta kropla ŭ mory».
Ciapier čytajuć
Pryłuki pad Minskam na chvali chajpu — biełarusy masava pajechali tudy pa zdymki ŭ styli «Pryciemak». Miascovyja nie ŭ zachapleńni4
Pryłuki pad Minskam na chvali chajpu — biełarusy masava pajechali tudy pa zdymki ŭ styli «Pryciemak». Miascovyja nie ŭ zachapleńni
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ44
Kamientary