U Lachavičach patłumačyli, chto vinavaty, što chleb ź miascovaha chlebazavoda vyjšaŭ jak klej

Paśla taho jak u tyktoku źjaviłasia videa z sapsavanym chlebam, vypiečanym na Lachavickim chlebazavodzie, pradstaŭniki pradpryjemstva i miascovaha rajpo na staronkach rajonnaj haziety «Lachavicki vieśnik» pasprabavała siabie apraŭdać. U svaich tłumačeńniach jany spasłalisia na śpioku, niapravilnuju ŭpakoŭku i samich pakupnikoŭ. Ale pry hetym nijakich vybačeńniaŭ ad pradpryjemstva, adkul vyjšła niajakasnaja pradukcyja, nie prahučała, piša BG.Media.

Pradstaŭniki zavoda śćviardžajuć, što chleb moh sapsavacca z-za «bulbianoj chvaroby», jakaja ŭźnikaje pry vysokaj vilhotnaści i tempieratury. Ale pry hetym na ŭpakoŭcy, jakuju pakazali ŭ videa, vyrazna paznačany termin zachoŭvańnia — 72 hadziny. Chleb vypiekli 12 lipienia, a videa było apublikavana 14-ha — da kanca terminu zachoŭvańnia jašče zastavałasia šmat času.

@brestnovosti1 Počiemu v Lachovičach sdiełali chleb pochožij na klej? Na chlebozavodie objaśnili, čto vinovaty sami pokupatieli #briestskajaobłasť #biełaruśnovosti #novostibiełarusi #lachoviči #biełaruś ♬ Oblivion NPC - Brandon

Niahledziačy na heta, ni zavod, ni rajpo nie pryznali mahčymych prablem ź jakaściu syraviny, parušeńniem technałohii ci inšymi zbojami ŭ vytvorčaści. Usia adkaznaść nibyta lažyć na pakupnikach, jakija «niapravilna zachoŭvali chleb» abo «kuplali z zapasam».

Načalnica vytvorčaści Lachavickaha chlebazavoda paraiła zachoŭvać chleb u chaładzilniku i nie kuplać jaho šmat napierad. Ale takich instrukcyj niama na samoj upakoŭcy — pra ich možna daviedacca tolki ź ŚMI.

U vyniku hetyja tłumačeńni vyhladajuć jak sproba źniać adkaznaść z vytvorcy i abvinavacić spažyŭca. Choć mienavita vytvorca pavinien zahadzia i dakładna paviedamlać pra ŭmovy zachavańnia praduktu, a nie rabić heta paśla skandału.

Kamientary da artykuła