Vytvorca lalek Łabubu abyšoŭ pa svajoj kapitalizacyi «Hazpram»
Pa danych servisa Companies Market Cap, rynkavaja kapitalizacyja kitajskaj kampanii Pop Mart, jakaja vypuskaje vielmi papularnyja cacki, dasiahnuła 41,52 miljarda dołaraŭ, piša Bi-bi-si. U toj ža čas rasijski «Hazpram» ciapier aceńvajecca «ŭsiaho» ŭ 38,28 miljarda dołaraŭ.
Łabubu na Kanskim kinafiestyvali. Fota: Raimonda Kulikauskiene / Getty Images
Kampanija Pop Mart paviedamiła, što za apošnija šeść miesiacaŭ jaje vyručka vyrasła bolš čym utraja. Pavodle prahnozaŭ, prybytak za pieršaje paŭhodździe 2025 hoda pavialičycca jak minimum na 350%.
Asnoŭny pradukt kampanii — cacki Łabubu, jakija źjavilisia jašče ŭ 2019 hodzie. Adnak mienavita ŭ 2025 hodzie jany stali sapraŭdnym chitom jak u Azii, tak i ŭ Jeŭropie. Hetyja fihurki karystajucca popytam nie tolki ŭ dziaciej i padletkaŭ, ale i ŭ darosłych — ad amataraŭ mody da kalekcyjanieraŭ.
Adnoj z pryčyn pośpiechu stała toje, što cacki pradajucca ŭ «ślapych skrynkach» — pakupnik nie viedaje, jakaja mienavita fihurka jamu trapicca, pakul nie raspakuje. Akramia taho, viadomaść brendu ŭzrasła dziakujučy supracoŭnictvu z Coca-Cola i papularnaj manhaj One Piece.
Čytajcie taksama:
Dyzajnierki prapanavali biełaruskuju alternatyvu papularnaj lalcy Łabubu
U Rasii zarehistravali hibryd Čaburaški i Łabubu
Rečyckija prapahandysty apałčylisia na lalek Łabubu
Miłyja ci pačvarnyja? Čamu lalki Labubu stali suśvietnaj siensacyjaj
Za miesiac popyt na lalek Łabubu vyras na «Kufry» ŭ 6,5 raza
Biełaruski śviatar rastłumačyŭ, ci možna dzieciam hulać z šalona papularnymi monstrykami łabubu