Kali ŭ pačatku maja na «Kufry» było ŭsiaho piać abjaŭ z novymi lalkami Łabubu, to da 1 červienia ich kolkaść pavialičyłasia da 320. Pra heta pradstaŭniki płatformy paviedamili vydańniu Office Life.
Popyt pačaŭ raści i na lalki «z druhich ruk», choć spačatku asnoŭnaja ŭvaha była na novych vyrabach.
Kali ŭ pieršy tydzień maja hetyja papularnyja cacki šukali 1596 razoŭ, to ŭ pieryjad z 2 pa 8 červienia kolkaść zapytaŭ pavialičyłasia da 10343. Na placoŭcy ličać, što rost u 6,5 raza za miesiac pakazvaje: trend tolki nabiraje abaroty.
Adnak pakul paśpiachovych ździełak niamnoha — usiaho 31 prodaž z 5 maja pa 8 červienia.
U kampanii taksama adznačyli, što ŭ abjavach ceny pačynajucca ad 10 rubloŭ za lalku, ale heta nie aryhinalnyja asobniki. Aryhinały, pa danych abjavaŭ, kaštujuć ad 200 da 300 rubloŭ. Jość i ekskluziŭnyja — cacki, pryviezienyja ź Japonii, jakija mohuć kaštavać da 1200 rubloŭ.
Raniej paviedamlałasia, što zasnavalnik kampanii Pop Mart, jakaja vypuściła papularnyja lalki Łabubu, trapiŭ u top-10 samych bahatych ludziej Kitaja na fonie ažyjatažu vakoł cacak.
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj39
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2929
Kamientary
I zovut etu łabubu - łukašienko !
Dzieci buduć piščać “chaču- chaču…” i atupiełyja baćki buduć nabyvać hetaje h-o z złosnymi pysami za vialikija hrošy nu ž ….. “kali ŭsie biaruć, to i našyja dzieci nie horšyja…”
Kožnyja paru hadoŭ zapuskajuć niejkija novyja niepatrebstvy, pramyvajuć rekłamaju mazhi dzieciam i baćkam i ajda babło stryhčy… uzhadajcie kolki usialakaha padobnaha barachła ŭžo było na praciahu apošnich 30hadoŭ…. A niachaj by chto zadumaŭsia što praz hod - druhi ŭsio heta pojdzie ŭ śmiećcie i miljony ton hetych złosnych biazvuchich čaburašak pa ŭsim śviecie lahuć ŭ ziamlu ci buduć zmytyja ŭ reki i akijany - buduć zabrudžvać i tak užo nie zdarovaje atručanaje asiarodzie a niedalokija ludcy buduć chvareć. Kolki tysiač ton tych “bonścikaŭ” ci tych viartušak užo nikomu nie patrebnyja i valajucca ŭ ziamli……