Pamior Edvard Zajkoŭski
Pamior viadomy biełaruski archieołah Edvard Zajkoŭski, paviedamili na jahonaj asabistaj staroncy ŭ fejsbuku. Jamu było 72 hady.
Edvard Zajkoŭski
Edvard Zajkoŭski naradziŭsia 18 listapada 1952 hoda ŭ vioscy Dubašy Vałožynskaha rajona. U 1975 hodzie skončyŭ Biełaruski dziaržaŭny ŭniviersitet.
U kancy 1970-ch — pačatku 1980-ch byŭ udzielnikam hramadskaha abjadnańnia «Biełaruskaja Majstroŭnia».
Z 1980 hoda pracavaŭ u Instytucie historyi Nacyjanalnaj akademii navuk Biełarusi. U 1985 hodzie abaraniŭ kandydackuju dysiertacyju pa histaryčnych navukach.
Śpiecyjalizavaŭsia na vyvučeńni niealityčnych i bronzavych pomnikaŭ, a taksama daśledavaŭ staražytnyja jazyčnickija vieravańni i pieršabytnaje mastactva na terytoryi Biełarusi.
Taksama Edvard Zajkoŭski — aŭtar šerahu navukova-papularnych prac, siarod jakich kniha «Pieršabytnyja pomniki Paŭnočnaj Biełarusi» (1990), «Staražytnaja biełaruskaja kuchnia» (u suaŭtarstvie, 1995) i mnostva artykułaŭ pa staražytnaj historyi i kultury Biełarusi.
Edvard Zajkoŭski. Fota: facebook.com/vincuk.viacorka
Raźvitańnie z Edvardam Zajkoŭskim adbudziecca ŭ sieradu, 23 lipienia z 13:00 da 14:00, u Rytualnaj zale pa adrasie: horad Minsk, vuł. Alšeŭskaha, 10.