U časie rasijskaj avijacyjnaj ataki na terytoryju Ukrainy nočču 29 červienia raźbiŭsia źniščalnik F-16, paviedamili ŭ Hienštabie Ukrainy. 32-hadovy piłot Maksim Uścimienka advioŭ samalot ad nasielenaha punkta, ale katapultavacca nie zdoleŭ.
Pavodle aficyjnych źviestak, u vyniku katastrofy zahinuŭ piłot 1-ha kłasa, padpałkoŭnik Maksim Uścimienka, 1993 hoda naradžeńnia.
Kamandavańnie adznačaje, što lotčyk prymaŭ udzieł u adbićci masiravanaha pavietranaha nalotu i zdoleŭ źbić siem pavietranych celaŭ. Pavodle źviestak vajskoŭcaŭ, RF zapuściła ŭnačy bolš za 500 pavietranych celaŭ.
Padčas źniščeńnia apošniaj ź ich samalot byŭ paškodžany i straciŭ vyšyniu.
Uścimienka paśpieŭ advieści F-16 ad nasielenaha punkta, ale katapultavacca nie zdoleŭ.
Heta ŭžo treci stračany ŭkrainski F-16 za apošnija try miesiacy: papiarednija katastrofy adbylisia ŭ krasaviku i mai.
Pavodle dastupnych źviestak, z momantu atrymańnia Ukrainaj źniščalnikaŭ F-16 u žniŭni 2024 hoda, adbylisia try avijakatastrofy z udziełam hetych samalotaŭ. U dźviuch ź ich zahinuli piłoty.
26 žniŭnia 2024 hoda. Padpałkoŭnik Alaksiej Mieś, viadomy pad pazyŭnym «Munfiš», zahinuŭ padčas adbićcia masiravanaj rasijskaj rakietna-dronavaj ataki. Jon źniščyŭ try kryłatyja rakiety i adzin udarny bieśpiłotnik, ale jaho F-16 raźbiŭsia. Pavodle niekatorych paviedamleńniaŭ, pryčynaj katastrofy mahło stać «siabroŭski ahoń» ad sistemy Patriot, ale aficyjna heta nie paćvierdžana.
12 krasavika 2025 hoda. Kapitan Pavieł Ivanoŭ, 26 hadoŭ, zahinuŭ padčas bajavoha vyletu na F-16. Pavodle paviedamleńniaŭ, jaho samalot byŭ źbity rasijskaj rakietaj.
16 maja 2025 hoda. Treci F-16 byŭ stračany padčas bajavoj misii. Piłot svoječasova katapultavaŭsia i zastaŭsia žyvy. Pryčyna katastrofy nie nazyvałasia.
Takim čynam, pa stanie na červień 2025 hoda, Ukraina straciła čatyry samaloty F-16, u vyniku čaho zahinuli try piłoty.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami
Kamientary