U Vilni źbili žurnalista Malanka Media

Na žurnalista Malanka Media napali prosta na vulicy — ź jahonych słoŭ, biez papiaredžańnia i na toje pryčyny. Incydent adbyŭsia ŭ vilenskim rajonie Žyrmuny, paviedamlaje Malanka Media ŭ svaim telehram-kanale.

Mikałaj (imia chłopca źmieniena) viartaŭsia z pracy, kali da jaho padyšła hrupa niećviarozych ludziej. Adzin ź ich, vierahodna, paličyŭ, što chłopiec zdymaje jaho na telefon, kali jon pieraklučaŭ muzyku na pryładzie, — i raptam udaryŭ. Niešta vykrykvajučy na litoŭskaj movie, jon nanios biełarusu minimum try ŭdary kułakom pa tvary i ŭciok.

Chutkuju vyklikali vidavočcy sceny, chłopiec byŭ dastaŭleny ŭ centr skivična-tvarnaj chirurhii. Miedyki dyjahnastavali ŭ paciarpiełaha irvanuju ranu nižniaj huby i raśsiačeńnie vierchniaj, udar miakkich tkanak i paškodžańni dziasny i zuboŭ. Daktary nakłali jamu kala dziasiatka švoŭ.

Žurnalist sam padaŭ zajavu ŭ palicyju. Pa fakcie zdareńnia budzie pačata rasśledavańnie pa kryminalnaj spravie.

Kamientary da artykuła