Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma

Pa słovach Maryi Kavalčuk, jaje zaprasili na viečarynu, dzie byli čatyry čałavieki — try mažory z Rasii dy Ukrainy i biełarus Alaksandr Łapcinski. 

«Maładaja kampanija. Usie viasiołyja, kłasnyja chłopcy. Nu i my pajšli ŭ numar. My padnialisia ŭ numar, kamunikavali. (…) Usio było dobra da momantu, pakul na nastupny dzień chłopcy nie pajechali pa ałkahol», — kaža Maryja.

Praz čatyry miesiacy paśla trahiedyi madel i jaje maci Hanna Kavalčuk raskazali Ksienii Sabčak, što adbyłosia toj nočču i čamu jany tak doŭha maŭčali.

Pa słovach Maryi, u Dubaj jana prylacieła da siabrovak, razam ź imi praviała tydzień, zdymajučy kantent dla svajho profilu na OnlyFans.

Pavialičyć

«U mianie ŭ płanach było pazdymać pryhožy kantent, pa pryhožych ustanovach pachadzić. My adznačali dzień naradžeńnia adnoj ź siabrovak taksama ŭ hetyja dni. Plus jašče byli zdymki z fatohrafam, taksama znajomym, da jakoha ja taksama chacieła vielmi trapić. Voś tak ja baviła svaje dni. Potym siabroŭki palacieli ŭ Rasiju».

Pa słovach Maryi, jana žyła ŭ hateli i źbirałasia viartacca ŭ Tajłand. Jana nabyła bilet, ale prapuściła rejs, bo praspała. Kali dziaŭčyna ŭžo stajała ŭ chole hatela z čamadanami, sustreła znajomaha — chłopca, ź jakim napiaredadni paznajomiłasia ŭ karaokie. Tady jany krychu pahavaryli, abmianialisia kantaktami.

Padčas novaj sustrečy jon byŭ ź siabrami. Maša raskazała jamu, što ŭ jaje skončyŭsia termin broni ŭ hateli, bilet prapaŭ i niama mahčymaści ruchacca dalej. Kampanija prapanavała dapamohu — pajści ź imi ŭ numar, a dalej Arciom, jaki razam z baćkam žyvie ŭ Dubai, paprosić jaho dać pryvatny samalot, i ŭsie razam palaciać u Tajłand.

«Maładaja kampanija. Usie viasiołyja, kłasnyja chłopcy. Nu i my pajšli ŭ numar. My padnialisia ŭ numar, kamunikavali. (…) Usio było dobra da momantu, pakul na nastupny dzień chłopcy nie pajechali pa ałkahol», — kaža Maryja i dadaje, što ź joj razam u numary byli jašče dźvie dziaŭčyny — Milena Dałhanava i Alaksandra Miarcałava.

Paśla taho, jak chłopcy nabyli i stali ŭžyvać ałkahol i narkotyki, ich pavodziny, pa słovach Maryi, stali ahresiŭnymi. Jany byli niezadavolenyja tym, što dziaŭčyna nie pje, vykazvalisia ŭ žartaŭlivaj maniery «ty naležyš nam, budziem rabić usio, što chočam». Paźniej jany ŭžo ŭsurjoz pačali zapužvać, zabrali asabistyja rečy, siarod jakich byŭ pašpart Maryi z metaj prymusić jaje zastacca ŭ hateli.

Pa słovach Maryi, Alaksandra Miarcałava apranuła jaje rečy i vyjšła ŭ ich z haścinicy. U numary zastałosia čatyry čałavieki — Arciom ź siabram Alaksandram, Maryja i Milena.

Pavialičyć

Arciom — 19-hadovy syn Aleha Papazava — biznesmiena, jaki rodam z Daniecka. Jon vałodaje franšyzami «Sinabon» i «Papsburhier». Jaho starejšy syn — Aleh Papazaŭ kiruje hrupaj kampanij «Miehahrup». Siamja bolšuju častku času pravodzić u Dubai.

Pavialičyć

Alaksandry Miarcałavaj 19 hadoŭ. Jaje baćka Anton vałodaje ŭ Maskvie miedycynskim centram, a jana ŭ Dubai, jak śćviardžajecca, zajmajecca kryptavalutnym biznesam i dyzajnam adzieńnia.

Pavialičyć

Baćka 16-hadovaj uradženki Ukrainy Mileny Dałhanavaj David — pradprymalnik. Pačynaŭ z ałkaholnaha biznesu ŭ Kijevie, ciapier kiruje kampanijami va Uźbiekistanie. Taksama źjaŭlajecca trenieram pa krośficie, miecenatam, psichaanalitykam i kansultantam pa biznesie.

Pavialičyć

Taksama ŭ viečaryncy, pa słovach samoj Kavalčuk, brali ŭdzieł jašče dva čałavieki — 20-hadovy rasijanin Maksim Krašanińnikaŭ i 29-hadovy biełarus Alaksandr Łapcinski. Krašanińnikaŭ chutka pakinuŭ viečarynku i ŭ ździekach udziełu nie braŭ.

U niejki momant, śćviardžaje Maryja, jana zdoleła pakinuć numar u hatelnym chałacie i vybiehła na vulicu. Jana čuła, što za joj honiacca, i tamu schavałasia ŭ niedabudavanym budynku.

«Ja prosta siadzieła na paviersie i čuła hałasy ŭnizie, čuła, što jany niedzie pobač. U toj momant u mianie prosta pamiać abarvała. Chutčej za ŭsio, byŭ udar pa hałavie, ja miarkuju. Nastupnaja scena — ja pamiataju, što ja prasiła dapamohu ŭ mašyny, jakaja prajazdžała, jakaja spyniłasia ŭžo i vyklikała chutkuju z palicyjaj», — raskazvaje Maryja i śćviardžaje, što ničoha nie pamiataje, što ź joj adbyłosia:

«Ja dumaju, što, mahčyma, mianie skinuli. Albo ž heta było źbićcio, adzin z dvuch varyjantaŭ. Toje, što traŭmy byli padobnyja da hetaha». Pry hetym nijakaha seksualnaha hvałtu nie było.

Pa słovach maci, nie było ni skačka, ni padzieńnia z vośmaha paviercha, bo traŭmy Maryi zusim nie adpaviadajuć takomu scenaru. Čałavieka prosta źbili. Abiedźvie biercavyja kostki na nahach złamanyja — heta vynik mocnaha ŭdaru ciažkim pradmietam. Try pierałomy pazvankoŭ śviedčać pra ŭdary pa śpinie. Pravaja ruka taksama złamanaja. Dla padzieńnia z takoj vyšyni heta nie typova, śćviardžaje maci.

Jak raskazvaje Maryja, daktary jaje apieryravali dzieviać razoŭ. Mahčyma, budzie jašče adna apieracyja. Da hetaha času nie zahaiłasia pierałamanaja naha i dziaŭčyna pakul nie moža davać na jaje nahruzku. Ale nie tracić aptymizmu, zajaŭlaje, što paśla reabilitacyi zmoža paŭnavartasna chadzić.

Pavialičyć

Ciapier jana razam ź siamjoj znachodzicca ŭ Narviehii i pierasoŭvajecca ŭ asnoŭnym na vazku abo z dapamohaj mylic. Dziaŭčyna adznačaje, što ŭ jaje niama nijakaha žadańnia znoŭ pajechać u Dubaj, jak i viarnucca na OnlyFans.

Chto taki Alaksandr Łapcinski

Alaksandru Łapcinskamu 28 hadoŭ. Z toj infarmacyi, jakaja znachodzicca pra jaho ŭ internecie, Alaksandr vyhladaje jak «temščyk», jaki biarecca za ŭsie sposaby zarobku chutkich hrošaj.

Pošuk pakazvaje, što jak minimum z 2022 hoda — a heta značyć, paśla napadu Rasii na Ukrainu — jon žyŭ u Rasii. Jon rabiŭ šmat zajavak u mikrafinansavyja arhanizacyi na nievialikija sumy.

Pavialičyć

Sa žniŭnia 2023 hoda ŭ jaho źjaŭlajecca šmat paviedamleńniaŭ u dubajskich čatach. Jon arhanizoŭvaŭ płatnyja chutkija spatkańni, rabiŭ fotazony, arhanizoŭvaŭ tury, rabiŭ dla niejkich kantor ryłzy i arandavaŭ darahija kvatery, zdavaŭ aŭto ŭ arendu, niešta pijaryŭ u Snapchat, pradavaŭ vizy ŭ Dubaj, šukaŭ, dzie pamianiać dziasiatki tysiač dalaraŭ u Małdovie i AAE i pisaŭ jašče šmat paviedamleńniaŭ.

Miarkujučy pa sacsietkach, Łapcinski amatar kazino, hulec u pokier i ŭvohule lubić pryhožaje žyćcio. 

Pavialičyć

My pakul nie zmahli atrymać ad Alaksandra Łapcinskaha tłumačeńnie taho, što ž stałasia z Maryjaj Kavalčuk u tuju sakavickuju noč i što jon rabiŭ tady. Jon nie adkazvaje na telefanavańni ŭ Telehramie, a jaho raniejšy rasijski numar niedastupny.

• 1
• 1
• 5
• 44
• 1
• 3
• 33
• 0