Litoŭski deputat-nacyjanalist Vitaŭtas Sinica prapanavaŭ Ministerstvu zamiežnych spraŭ krainy skasavać akredytacyju pradstaŭnictva biełaruskaj demakratyi, to-bok Ofisa Śviatłany Cichanoŭskaj. Adnak sam ministr zamiežnych spraŭ Kiastucis Budrys nie bačyć dla hetaha padstaŭ.
«Status, jaki pradstaŭnictvu byŭ nadadzieny, dazvalaje jamu funkcyjanavać, dziejničać, vykonvać svaje zadačy, abjadnoŭvać demakratyčnyja siły. […] Na hety momant ja nie baču padstaŭ razhladać heta pytańnie», — skazaŭ kiraŭnik litoŭskaj dypłamatyi žurnalistam.
Člen Kamiteta nacyjanalnaj biaśpieki i abarony Sojma Litvy Vitaŭtas Sinica ŭ svaim zvarocie zajaŭlaŭ, što Ofis Śviatłany Cichanoŭskaj, maŭlaŭ, karystajecca haścinnaściu i dobraj volaj Litvy nie dla prasoŭvańnia dobrasusiedskich adnosin, a z metaj stvareńnia svojeasablivaj bazy «alternatyŭnaj Biełarusi» ŭ Litvie. Taksama jon abvinavačvaŭ Cichanoŭskuju ŭ tym, što jana nibyta vyrazna nie asudžaje «lićvinizm» i krytykuje namiery Litvy abmiežavać imihracyju ź Biełarusi ź mierkavańniaŭ nacyjanalnaj biaśpieki, čym nibyta ŭmiešvajecca va ŭnutranyja spravy krainy.
Taksama litoŭski parłamientaryj źviarnuŭ uvahu na našumiełaje apošnim časam vykazvańnie Siarhieja Cichanoŭskaha pra mahčymaść stvareńnia aŭtanomnych «astravoŭ» biełarusaŭ. Sinica ŭsprymaje hetyja vykazvańni jak «pastanoŭku pad sumnieŭ terytaryjalnaj cełasnaści Litvy i jaje dziaržaŭnaha ładu, tamu jany pavinny być rašuča asudžanyja».
Sam Cichanoŭski adrazu paśla taho, jak jahonyja słovy vyklikali skandał, patłumačyŭ, što mieŭ na ŭvazie zusim inšaje.
Vitaŭtas Sinica — palitołah, fiłosaf i adziny ŭ Sojmie Litvy deputat ad nacyjanalistyčnaj partyi Nacyjanalnaje abjadnańnie. Partyja sabrała 2,93% hałasoŭ na vybarach 2024 hoda i pa partyjnych śpisach u parłamient nie prajšła, ale Sinica ŭ druhim tury pieramoh u vilenskaj akruzie Karaliniški-Zamačak svajho supiernika z partyi «Sajuz Ajčyny».
Litoŭskaje telebačańnie padkreśliła, što ni Cichanoŭskaja, ni jaje pres-sakratarka dahetul nie vałodajuć litoŭskaj movaj
Cichanoŭski paśla šumichi vakoł jaho słoŭ pra aŭtanomnyja «astravy» biełarusaŭ za miažoj patłumačyŭ svaju pazicyju
Naŭsieda vykazaŭsia nakont idei Cichanoŭskaha pra aŭtanomnyja «astravy» biełarusaŭ u roznych krainach
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary
Chto daŭ hetamu ministru prava naminavać mienavita Śviatłanu CIchanoŭskuju jak niejkuju pradstaŭničku? Jakaja pracedura źmieny kiraŭnictva ŭ hetaj struktury?
My, biełarusy, nie zadavolenyja dziejnaściu i adsutnaściu vynikaŭ pracy Cichanoŭskich i Ko. Patrebny novy ruchavik!
"Vitaŭtas Sinica ŭ svaim zvarocie zajaŭlaŭ, što Ofis Śviatłany Cichanoŭskaj, maŭlaŭ, karystajecca haścinnaściu i dobraj volaj Litvy nie dla prasoŭvańnia dobrasusiedskich adnosin, a z metaj stvareńnia svojeasablivaj bazy «alternatyŭnaj Biełarusi» ŭ Litvie. Taksama jon abvinavačvaŭ Cichanoŭskuju ŭ tym, što jana nibyta vyrazna nie asudžaje «lićvinizm» i krytykuje namiery Litvy abmiežavać imihracyju ź Biełarusi ź mierkavańniaŭ nacyjanalnaj biaśpieki, čym nibyta ŭmiešvajecca va ŭnutranyja spravy krainy." I hetamu biełarusy svaim isnavańniem pačali zaminać. Ja kaliści pisaŭ, što bielerusy pieratvarajucca ŭ "novych jaŭrejaŭ" (narod bieź ziamli), mocna zaležny ad "nadvorja" u hałavie čynoŭnikaŭ krainy, jakaja daje prytułak. A kali nastupnyja čynoŭniki prosta vyhaniać biełarusaŭ? Raniej rasiejskaja mova siarod t.zv.
"demakratyčnaj suspolnaści" ličyłasia ledź nie "kryteram adekvatnaści", a ciapier za rasiejskamoŭnaść pačynajuć paŭsiudna bić.