Bieraściejec uvoziŭ u Polšču biarozavaje palena. Akazałasia, heta kostka mamanta

Incydent adbyŭsia na pamiežnym pierachodzie «Terespal» — «Brest». Polskija mytniki źviarnuli ŭvahu na niezvyčajny pradmiet u torbie biełarusa — zvonku jon nahadvaŭ kavałak dreva, ale niejkaha dziŭnaha i ź nieadpaviednaj vahoj.

Skrynšot ź videa

Mužčyna spačatku skazaŭ, što viazie padarunak dla dački, paśla nazvaŭ reč «biarozavym palenam». Adnak mytnikaŭ heta nie pierakanała — jany pačali dapytvać jaho, dzie žyvie dačka, patrabujučy hladzieć u vočy.

U vyniku bieraściejec pryznaŭsia, što viazie kostku mamanta pa prośbie znajomaha i atrymaŭ za heta 20 dalaraŭ. Ekśpiertyza paćvierdziła, što heta sapraŭdy pareštki mamanta — chutčej za ŭsio, častki biŭnia i kostki.

U Jeŭrasajuzie takija znachodki ličacca abjektami, jakija achoŭvajucca, i dla ich uvozu patrebien śpiecyjalny dazvoł. Ciapier mužčynu pahražaje štraf da 115 tysiač jeŭra, departacyja ci navat kryminalnaja adkaznaść z mahčymym źniavoleńniem da dvuch hadoŭ.

Kamientary da artykuła