Padčas niasieńnia słužby niepadalok ad biełaruska-ŭkrainskaj miažy vajskoviec z Rovienščyny vypadkova znajšoŭ pareštki mamanta, paviedamlaje Rovienskaja abłasnaja dziaržaŭnaja administracyja.
Znachodku zrabiŭ vajskoviec Siarhiej, jaki słužyć z 2014 hoda i raniej udzielničaŭ u antyterarystyčnaj apieracyi. Padčas poŭnamaštabnaha ŭvarvańnia Rasii jon znachodziŭsia na Sumščynie, a paźniej jahonuju čaść pierakinuli na poŭnač Rovienščyny, i mienavita tam jon trapiŭ na niečakanuju znachodku. Na toj momant Siarhiej jakraz rychtavaŭsia da zvalnieńnia sa słužby.
Padčas umacavańnia pazicyj mužčyna źviarnuŭ uvahu na niezvyčajny koler i teksturu hleby. Kali pačaŭ rasčystku jaje, ubačyŭ niešta, što nahadvała zub. Spačatku padumaŭ, što heta zvyčajny kamień, ale forma i faktura byli dziŭnyja.
Pra znachodku Siarhiej paviedamiŭ va ŭpraŭleńnie pa spravach vieteranaŭ Rovienskaj abłdziaržadministracyi. Dziakujučy supracoŭnictvu z navukoŭcami pareštki mamanta pieradali ŭ Zdołbunaŭski krajaznaŭčy muziej.
Jak raskazaŭ dyrektar muzieja Alaksandr Čyžeŭski, znojdzienyja zuby, chutčej za ŭsio, naležali mamantu, jaki žyŭ na terytoryi staražytnaj Vałyni bolš za 12 tysiač hadoŭ tamu.
Pavodle jaho słoŭ, hetaja znachodka kaštoŭnaja nie tolki jak paleantałahičny artefakt, ale i jak simvał času: «Abaronca krainy kapaje akop i znachodzić śviedčańnie dahistaryčnaj epochi».
Zuby mamanta ŭžo pryniali na ŭlik i ŭ budučyni ŭniasuć u Elektronny dziaržaŭny rejestr nacyjanalnaha muziejnaha fondu.
Polskija mytniki znajšli ŭ mašynie niemca, jaki jechaŭ ź Biełarusi, biŭni mamanta
Navukoŭcy stvaryli «šarścistuju myš» z prykmietami mamanta. Mahčyma, praź niekalki hadoŭ adrodziać i vymierłaha hihanta
Amierykanski startap płanuje da 2028 hoda adradzić mamantaŭ
Sa dna Soža ŭ Homieli padniali vialiki rahaty čerap. Kažuć, što heta staražytny bizon
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary