Kolkaść paćvierdžanych rasijskich vajennych strat pieravysiła 120 tysiač čałaviek

Z pačatku šyrokamaštabnaj vajny Rasii suprać Ukrainy zahinuła ŭžo bolš za 120 tysiač rasijskich vajskoŭcaŭ. Takuju infarmacyju apublikavała Ruskaja słužba Bi-bi-si sumiesna z vydańniem «Miedyjazona» i vałanciorami, što źbirajuć danyja z adkrytych krynic.

Mahiły zahinułych rasijskich vajskoŭcaŭ u Vałhahradzie. Fota: AP Photo

Za apošnija dva tydni — z 11 pa 25 lipienia — było paćvierdžana jašče 2204 śmierci. Pavodle spravazdačy, 27% zahinułych — heta dobraachvotniki, jakija padpisali kantrakt užo paśla pačatku vajny, chacia ŭ 2023 hodzie takich było tolki 14%.

Bolš za pałovu zahinułych (53%) na momant pačatku ŭvarvańnia nie mieli dačynieńnia da armii ci Rashvardyi. Siudy ŭvachodziać dobraachvotniki, mabilizavanyja i źniavolenyja, jakich vierbavali na vajnu z kałonij.

Siarod rehijonaŭ Rasii najbolšyja straty niasuć žychary Baškartastana — zahinuła prynamsi 5806 čałaviek. Pry hetym 80% ź ich — vychadcy ź sielskaj miascovaści abo małych haradoŭ.

Kamientary da artykuła