Kiraŭnik Paŭnočnaj Karei Kim Čen Yn paćvierdziŭ hatoŭnaść akazvać poŭnuju i biezumoŭnuju padtrymku Rasii ŭ vajnie suprać Ukrainy. Pra heta jon zajaviŭ paśla sustrečy ź ministram zamiežnych spraŭ RF Siarhiejem Łaŭrovym, jakaja adbyłasia 12 lipienia ŭ paŭnočnakarejskim horadzie Vansan, paviedamlaje The Moscow Times.
Pavodle słoŭ Kima, dapamoha budzie akazvacca na padstavie damovy ab stratehičnym partniorstvie, jakuju krainy padpisali ŭ červieni 2024 hoda.
Taksama paŭnočnakarejski lidar pieradaŭ «ciopłaje pryvitańnie» prezidentu Rasii Uładzimiru Pucinu i vykazaŭ upeŭnienaść u jaho «pieramozie» nad Ukrainaj, padkreśliŭšy poŭnuju salidarnaść u «stratehičnych pytańniach». Kim adznačyŭ, što KNDR i Rasija buduć razam adstojvać svaje intaresy i raźvivać supracoŭnictva.
Łaŭroŭ u adkaz padziakavaŭ Kimu za «vajskovuju dapamohu», u tym liku za nakiravańnie sałdat. Jon nazvaŭ adnosiny pamiž krainami «niepieramožnym bajavym braterstvam».
Pavodle źviestak raźviedki Paŭdniovaj Karei, Pchieńjan rychtujecca adpravić u Rasiju jašče kala 25—30 tysiač vajskoŭcaŭ užo ŭ lipieni ci žniŭni. Raniej u 2024 hodzie Paŭnočnaja Kareja ŭžo nakiroŭvała prykładna 11—13 tysiač sałdat, ź jakich kala 4 tysiač zahinuli abo byli paranienyja, śćviardžajuć zachodnija krynicy.
Akramia sałdat, KNDR pieradała Rasii bolš za 12 miljonaŭ snaradaŭ. Usio heta adbyvajecca na fonie taho, što Pucin, pavodle paviedamleńniaŭ, raźličvaje na chutki praryŭ ukrainskaj abarony. Adnak ža, niahledziačy na niekatory prahres na froncie, prasoŭvańnie rasijskich vojskaŭ pa-raniejšamu składaje nie bolš za 15 km² u dzień i supravadžajecca vialikimi stratami.
Tak, tolki z 1 maja da 9 lipienia, pavodle The Economist, Rasija mahła stracić kala 31 tysiačy zabitych. Ahułam, pa acenkach zachodnich śpiecsłužbaŭ, z pačatku vajny Rasija straciła ad 900 tysiač da 1,3 miljona vajskoŭcaŭ, ź ich da 350 tysiač — biezzvarotna. Navat ź siońniašnimi tempami nastupu, kab całkam zachapić Ukrainu, rasijskaj armii moža spatrebicca jašče amal 90 hadoŭ.
Čamadanava choča supracoŭničać z partyjaj Kim Čen Yna
U KNDR pakazali cyrymoniju raźvitańnia z vajskoŭcami, što zahinuli ŭ Rasii. Udzielničaŭ sam Kim Čen Yn
KNDR adkryła kurort «suśvietnaha kłasa». Jon moža być aryjentavany na rasijskich turystaŭ FOTY
KNDR moža nakiravać u Rasiju 25000 čałaviek na zavody pa vytvorčaści dronaŭ
U KNDR z druhoj sproby ŭsio ž spuścili na vadu skandalny vajskovy karabiel
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady1
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary