Vierahodnaj pryčynaj dla pryjezdu Deruła ŭ Minsk stali zdymki dla rekłamy katedžaŭ

Amierykanskaja zorka Džejsan Deruła źniaŭsia ŭ rekłamie katedžnaha pasiołku «Miruar spa-hatel i viły» na bazie Minskaha mora, piša Reform.

Džejsan Deruła. Fota: Getty Images

Prajekt hetaha katedžnaha pasiołku realizuje Mustafa Ehemien Šenier — aficyjny ŭładalnik biełaruskaha TAA «Ihralny kartel». Heta kampanija staić za minskim kazino H CASINO. Mahčyma, udzieł u zdymkach i staŭ asnoŭnaj pryčynaj niečakanaha vizitu amierykanskaha vykanaŭcy ŭ Biełaruś.

Niekalki dzion tamu ŭ sacsietkach źjaviŭsia rolik z udziełam Deruła, dzie jon vykonvaje adzin sa svaich trekaŭ na fonie asabniakoŭ u sasnovym bary.

Kamiera dronu pakazvała panaramny płan z vyšyni, i ŭ terytoryi, zabudavanaj reśpiektabielnymi damami, lohka adhadvajecca plaž №3 na Minskim mory (Zasłaŭskaje vadaschovišča). U narodzie hetuju siadzibnuju zabudovu nazyvajuć Zarečča-3.

Skrynšot ź videa

Videa było apublikavanaje taksama ŭ akaŭncie Deruła i sabrała bolš za 60K łajkaŭ.

@jasonderulo Tryna get that pretty a$$ up out the house tonight @Fantomel @Kate Linn #DameUnGrrr ♬ sunet original - Fantomel

U prajekta hetaha katedžnaha pasiołku — daŭniaja historyja, zaŭvažaje Reform. U 2022 hodzie Mustafa Ehemien Šenier staŭ ułaśnikam 70% TAA «Miruar». Astatnija 30% naležać biełaruskamu biznesoŭcu i hanarovamu konsułu Vanuatu Alaksandru Kałdžyjevu.

Kamientary da artykuła