Minabarony pryznała padzieńnie bieśpiłotnika na Minsk
Tolki paśla taho jak u miedyja źjaviłasia infarmacyja pra padzieńnie drona ŭ Minsku (pra heta paviedamiła vydańnie «Lusterka»), ułady adreahavali na incydent.
Fota: Minabarony
«Dziažurnymi siłami SPA kala 2 hadzin nočy 29 lipienia ŭ pavietranaj prastory Respubliki Biełaruś byŭ znojdzieny i spynieny palot nieapaznanaj pavietranaj celi — parušalnika paradku vykarystańnia pavietranaj prastory, identyfikavanaj jak BŁA.
U vyniku ŭździejańnia na jaho srodkaŭ radyjoelektronnaj baraćby 02.33 BŁA ŭpaŭ u rajonie doma 72 pa vuł. Matusieviča h. Minska», — paviedamiła Minabarony.
Paciarpiełych niama.
«Z ulikam hetaha incydentu apieratyŭna prymajucca dadatkovyja miery pa ŭzmacnieńni kantrolu za vykarystańniem pavietranaj prastory», — dadało viedamstva.
Pa hetym fakcie pravodzicca pravierka.