Na vulicy Matusieviča ŭ Minsku pobač ź dziciačym sadkom upaŭ bieśpiłotnik
U dvary doma pa vulicy Matusieviča, 72 u Minsku ŭnačy 29 lipienia raźbiŭsia bieśpiłotnik. Pra heta «Lusterku» paviedamiŭ vidavočca. Minabarony paćvierdziła padzieńnie drona.
Incydent adbyŭsia 29 lipienia kala 2:00. Bieśpiłotnik, jak śćviardžajuć vidavočcy, urezaŭsia ŭ dom, paśla čaho ŭpaŭ na pryparkavany aŭtamabil i vybuchnuŭ.
Na videa, jakoje jość u redakcyi «Lusterka», možna zaŭvažyć načny dvor doma № 72 pa vulicy Matusieviča. U roliku čuvać šum, padobny da huku mapieda, paśla čaho čuvać mocny vybuch. Paśla hetaha na ziamlu padajuć abłomki, a pobač z pryparkavanymi aŭto źziajuć iskry pad sieryju hukaŭ udaraŭ i vybuchaŭ.
«Milicyja pryjechała tolki praz 25 chvilin, paśla čaho ŭsich razahnali, — raspaviali vidavočcy. — Usie pračnulisia ad hetaha praniźlivaha huku, noč atrymałasia žachlivaj».
U dvary hetaha doma znachodzicca dziciačy sad № 12.
Paśla publikacyj u niezaležnych miedyja adreahavała i Ministerstva abarony:
«Dziažurnymi siłami SPA kala 2 hadzin nočy 29 lipienia ŭ pavietranaj prastory Respubliki Biełaruś byŭ znojdzieny i spynieny palot nieapaznanaj pavietranaj celi — parušalnika paradku vykarystańnia pavietranaj prastory, identyfikavanaj jak BŁA. U vyniku ŭździejańnia na jaho srodkaŭ radyjoelektronnaj baraćby 02.33 BŁA ŭpaŭ u rajonie doma 72 pa vuł. Matusieviča h. Minska».
Paciarpiełych niama.
-
Dziadok — apazicyjanieram: Zajmajučysia dyskredytacyjaj Ofisa Cichanoŭskaj, vy ljacie vadu na młyn režymu
-
«Marzaluk — heta naš zubr». Jak praŭładny historyk niečakana staŭ trendam dla zumieraŭ u tyktoku
-
«Šatł-bas spačatku spyniŭsia, a potym pačaŭ pavolna kacicca nazad». Biełarus, jaki staŭ vidavočcam avaryi ŭ Tajłandzie, raskazaŭ padrabiaznaści
Ciapier čytajuć
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary