Žychar Łatvii jechaŭ u Biełaruś i paznajomiŭsia z umovami biełaruskaha izalatara dla palityčnych

Mužčyna niadaŭna pryjazdžaŭ u Biełaruś, kab pabačycca z synam, ale jaho spynili na miažy — u punkcie propusku «Hryharoŭščyna». Pryčyna zatrymańnia — padpiska na «zabaronieny kanał», vierahodna, na rasijski telekanał «Dožd́», piša łatvijskaje vydańnie «Čajka».

Zdymak ilustracyjny. Fota: supołka «Očieriedi na hranicie Łatvija-Biełaruś» u fejsbuku

Mužčyna sam nie pamiataje, kali jon padpisaŭsia na hety kanał, i ŭvohule nie choča kamientavać situacyju — pra jaje raskazała jahonaja znajomaja.

Paśla zatrymańnia žychara Łatvii na try dni źmiaścili ŭ izalatar. Umovy tam byli vielmi ciažkija, jak i zaŭsiody ŭ tych, kaho zatrymlivajuć pa palityčnym artykule: biez paduški, matraca, koŭdry, z rehularnymi pravierkami.

Paśla suda mužčynu prysudzili štraf, jon viarnuŭsia ŭ Łatviju. Ale sudovaje rašeńnie jamu nie vydali, tamu jon maje namier iznoŭ pajechać u Biełaruś, kab atrymać dakumienty i apłacić štraf.

Łatvijski MZS nie raić žycharam Łatvii jeździć u Biełaruś dziela mierkavańniaŭ biaśpieki. Adnak, niahledziačy na heta, turfirmy z Daŭhaŭpiłsa praciahvajuć prapanoŭvać takija pajezdki.

Kamientary da artykuła