Biełaruskija mytniki adkazali na skarhi adnosna doŭhaha afarmleńnia na miažy
Dziaržaŭny mytny kamitet prakamientavaŭ skarhi, jakija źjavilisia ŭ sacsietkach adnosna doŭhaha čakańnia na miažy. Pavodle ich słoŭ, biełaruskija mytniki robiać usio mahčymaje, kab paskoryć praces, ale im pieraškadžaje «nierytmičnaja» praca słužbaŭ sumiežnych dziaržaŭ.
U DMK śćviardžajuć, što niekatoryja ludzi, asabliva z susiednich krain, nibyta naŭmysna raspaŭsiudžvajuć chłuślivuju infarmacyju ŭ telehram-čatach, kab stvaryć napružanaść.
U jakaści prykładu pryvodzicca niejki žychar Litvy, jaki nibyta čakaŭ sutki na KPP «Kamienny Łoh», ale, jak śćviardžajuć mytniki, jon naohuł tudy nie zajazdžaŭ apošnija dva miesiacy — tolki adzin raz pierasiakaŭ miažu ŭ «Bieniakoniach», dzie prachodžańnie miažy zaniało krychu bolš za hadzinu.
Siaredni čas prachodžańnia ŭsich kantrolaŭ u «Kamiennym Łohu» dla lehkavych aŭto, pavodle słoŭ biełaruskich mytnikaŭ, składaje da 2,5 hadziny, a pa «zialonym» kalidory — 15—20 chvilin.
Mytnia pracuje va ŭzmocnienym režymie i adznačaje, što niadaŭna spyniła sproby ŭvieźci bujnyja partyi narkotykaŭ.
Kali ŭ hramadzian uźnikajuć prablemy ci pytańni na miažy, im rajać źviartacca praz aficyjny sajt obraŝienija.bieł.
Što da čerhaŭ, to pa stanie na 22.00 16 lipienia vialikaja čarha była tolki ŭ «Breście» (490 lehkavych mašyn), a ŭ «Kamiennym Łohu», «Bieniakoniach» i «Hryhoraŭščynie» čerhaŭ nie było.
Składanaja situacyja z furami — u «Hryhoraŭščynie» staić 655, u «Kamiennym Łohu» — 570, u «Bieniakoniach» — 510. Tolki ŭ «Kazłovičach» nijakaj čarhi niama.
U Breście zafiksavanaja čarha z 35 aŭtobusaŭ.
«Takaja praca dyskredytuje biaźvizavy režym». Biełarusy śćviardžajuć, što praca biełaruskich mytnikaŭ haniebnaja dla krainy
«Adzin hladzieŭ telefon, druhi razmaŭlaŭ, a treci ŭ baku naziraŭ». Jak ciapier pravodziać dopyty na miažy Biełarusi ź ES
Rasijanku zatrymali ŭ minskim aeraporcie ź juvielirnymi vyrabami i adzieńniem suśvietnych brendaŭ na 488 tysiač rubloŭ
Ciapier čytajuć
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary