Biełaruska zavajavała bronzavy miedal na čempijanacie śvietu pa płavańni
Biełaruskaja płyŭčycha Alina Zmuška zavajavała bronzavy miedal na čempijanacie śvietu pa vodnych vidach sportu, jaki prachodzić u Sinhapury. Jana vystupała na dystancyi 200 mietraŭ brasam i finišavała z vynikam 2:23.52.
Alina Zmuška. Fota: David Damnjanovic/DeFodi Images via Getty Images
Spačatku Alina Zmuška padčas svajho zapłyvu išła tolki na piatym miescy, ale paśla zmahła paskorycca i padzialiła treciaje miesca z pradstaŭnicaj PAR Kejlin Korbiet. Abiedźvie spartsmienki atrymajuć bronzavyja miedali. Pieramohu ž śviatkavała amierykanka Kiejt Dahłas, jakaja prajšła dystancyju za 2:18.50.
Pierad tym bronzu i srebra na hetym čempijanacie, na jakim spartsmieny ź Biełarusi vystupajuć u niejtralnym statusie, uziała biełaruskaja sinchranistka Vasilina Chandoška.
Čytajcie taksama:
Biełaruskich bijatłanistaŭ nie źbirajucca dapuskać da mižnarodnych startaŭ
Mižnarodnaja fiederacyja handboła paprasiła viarnuć u «našu handbolnuju siamju» biełarusaŭ i rasijan