MAK schilajecca da taho, kab dapuścić biełaruskich spartsmienaŭ da ŭdziełu ŭ zimovych Alimpijskich hulniach
Tym, chto choča pryniać udzieł u Alimpijskich hulniach, što projduć u nastupnym hodzie ŭ Miłanie, daviadziecca vykanać tyja ž strohija patrabavańni, jakija dziejničali i padčas padrychtoŭki da Alimpijady ŭ Paryžy.
Pra heta paviedamlaje francuzski spartyŭny partał Ski-nordique.net.
Pavodle novaj staršyni MAK Kirści Kovientry, na budučych zimovych Alimpijskich hulniach u Miłanie i Karcinie-d'Ampieca, vierahodna, voźmuć udzieł rasijskija i biełaruskija spartsmieny — ale pry strohich umovach.
Mižnarodny alimpijski kamitet (MAK) pakul što nie pryniaŭ kančatkovaha rašeńnia adnosna ŭdziełu atletaŭ z Rasii i Biełarusi ŭ zimovych Alimpijskich hulniach 2026 hoda, ale, padajecca, schilajecca da anałahičnaha padychodu, jaki byŭ prymienieny dla Alimpijskich hulniaŭ u Paryžy ŭ 2024 hodzie.
«My nie budziem śpiašacca da pasiadžeńniaŭ u vieraśni i śniežni, ale, vierahodna, budziem ruchacca ŭ tym ža kirunku, što i dla Paryža», — skazała Kirści Kovientry, staršynia MAK, u intervju L'Équipe.
Nahadajem, što biełaruskija i rasijskija spartsmieny byli taksama dapuščany da letnich Alimpijskich hulniaŭ 2024 hoda ŭ Paryžy tolki ŭ statusie indyvidualnych niejtralnych spartsmienaŭ — bieź ściahoŭ, himnaŭ i nacyjanalnaj simvoliki. Takoje rašeńnie MAK było pryniataje na fonie ŭvarvańnia Rasii va Ukrainu i padtrymki hetaj ahresii z boku Biełarusi. Da ŭdziełu nie dapuskalisia spartsmieny, jakija padtrymlivali vajnu abo mieli suviazi z vajennymi strukturami. U vyniku 17 biełarusaŭ i 15 rasijan vystupili ŭ 10 vidach sportu, zavajavaŭšy 5 miedaloŭ.
-
Futbolny biznes Lijanela Miesi: arhienciniec kuplaje ŭžo druhi ispanski kłub
-
«Pahadziŭsia dziela dački». Eks-futbalist zbornaj Biełarusi biare ŭdzieł u rasijskim šou «Tytany»
-
Biełaruska Karyna Kazłoŭskaja zavajavała na čempijanacie Polščy pa stralbie z łuka siem załatych miedaloŭ. Bolš prosta nie było
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary
Usio roŭna my viedajem, što vy tam usie ruckija, tak što ničoha strašennaha, a ŭ nas uzrovień žyćcia padaje, razumieć treba.