«Padarožžy dyletanta» Juryja Žyhamonta adnavilisia na jutubie
Papiaredni vypusk byŭ u mai.
Skrynšot videa
Praź niekalki hadoŭ pierapynku «Padarožžy dyletanta» Juryja Žyhamonta viarnulisia na jutub. Pieršy vypusk byŭ u mai 2025 hoda — jon byŭ pryśviečany Hierviatam Hrodzienskaj vobłaści. Videa sabrała bolš za 70 tysiač prahladaŭ.
Nieŭzabavie na viadučaha abrynułasia krytyka prarasijskich aktyvistaŭ. Da ckavańnia dałučyŭsia i deputat Vadzim Hihin, jaki ŭ svoj čas prykłaŭ ruku da taho, kab prahramu prybrali z efiru Biełteleradyjokampanii.
Niekalki miesiacaŭ na jutub-kanale Žyhamonta ničoha nie vychodziła.
Ale ŭ kancy lipienia ŭsio ž dadaŭsia novy vypusk. Žyhamont zavitaŭ u Jakubienki i Zadarožža (Hłybocki rajon, Viciebskaja vobłaść).
Prahrama «Padarožža dyletanta» — heta videaprajekt, u jakim Juryj Žyhamont padarožničaje pa roznych biełaruskich miaścinach, raskazvaje pra minułaje, architekturu, admietnaści, tradycyi, miascovyja lehiendy i duchoŭnuju spadčynu. Robić viadučy heta ź vializarnaj ciepłynioj i pavahaj da biełaruskaj kultury.