Daradca Cichanoŭskaj pieradaŭ łukašenkaŭskim dypłamatam prapanovu pra kruhły stoł
U Finlandyi prajšli mierapryjemstvy Arhanizacyi pa biaśpiecy i supracoŭnictvie ŭ Jeŭropie. U ich brali ŭdzieł dźvie delehacyi ad Biełarusi: ad łukašenkaŭskaha MZS i ad Ofisa Śviatłany Cichanoŭskaj. Daradca Cichanoŭskaj Dzianis Kučynski asabista pieradaŭ namieśniku ministra zamiežnych spraŭ prapanovu kruhłaha stała, raskazaŭ jon vydańniu «Lusterka».
Dzianis Kučynski
Jak raskazaŭ Kučynski, abiedźvie biełaruskija delehacyi raźmiaščalisia ŭ adnym hateli ŭ Chielsinki. Aficyjny Minsk pradstaŭlaŭ namieśnik ministra zamiežnych spraŭ Ihar Sakreta.
«Ja sustreŭsia z Sakretam kala liftaŭ u hateli. Pieradaŭ jamu našu prapanovu pra dyjałoh i praviadzieńnie kruhłaha stała. Skazaŭ, što my viedajem: unutry režymu jość niamała čynoŭnikaŭ, ź jakimi možna havaryć, što heta ŭ našych ahulnych intaresach i što dyjałoh i tranzit ułady — heta tolki sprava času. Asobna adznaču, što razmova z abodvuch bakoŭ viałasia na biełaruskaj movie».
Kučynski admoviŭsia adkazać na pytańnie «Lusterka» pra reakcyju na prapanovu.
Čytajcie taksama:
Łatuška: Kruhły stoł z Łukašenkam niemahčymy
Ofis Cichanoŭskaj prapanavaŭ ZŠA ideju kruhłaha stała z režymam Łukašenki. Ale jość umovy