Padčas sumiesnaj pres-kanfierencyi Paŭła Łatuški i śpikiera Kaardynacyjnaj rady Arcioma Bruchana było vykazana staŭleńnie da arhanizacyi kruhłaha stała, kancepcyja jakoha była raspracavana Arciomam Bruchanam padčas jaho pracy namieśnikam pradstaŭnika pa tranzicie ŭłady APK. Niadaŭna pra ideju kruhłaha stała pry peŭnych umovach zajavili ŭ Ofisie Śviatłany Cichanoŭskaj.
«Usia pradstaŭlenaja nami siońnia infarmacyja śviedčyć pra toje, što ŭ vyniku dziejańniaŭ Łukašenki Biełaruś apynułasia ŭ pastcy vajny. Ci mahčyma hetaha paźbiehnuć? Mahčymym rašeńniem moh by być «kruhły stoł».
Adnak tut treba, kab Łukašenka daŭ dakładny adkaz dziejańniami — ci źjaŭlajecca jon samastojnym palitykam, ci maryjanietkaj Kramla. Na siońniašni dzień my kanstatujem, što Łukašenka nie samastojny, jon palityčny słabak, jon całkam pad kantrolem Kramla. Kali b jon kiravaŭsia nacyjanalnymi intaresami Biełarusi, jon by daŭno pajšoŭ na dyjałoh abo ŭžo syšoŭ by z pasady. Jon nie rychtavaŭsia b da vajny, nie byŭ by saŭdzielnikam ahresii Rasii suprać Ukrainy, nie ładziŭ by mihracyjny kryzis z susiedziami. Kali jon nie raspačnie hetych dziejańniaŭ, tady my pavinny pazbavicca iluzij adnosna jaho subjektnaści. Značyć, jon nie harant niezaležnaści, nie harant miru i nie harant zachavańnia biełaruskaj dziaržaŭnaści.
Značyć, «kruhły stoł» ź jaho ŭdziełam niemahčymy, bo jon vybiraje vajnu. Chaj dakaža advarotnaje», — zajaviŭ učora namieśnik kiraŭnicy Abjadnanaha pierachodnaha kabinieta, kiraŭnik NAU Pavieł Łatuška.
«Kali ja byŭ namieśnikam pradstaŭnika pa tranzicie ŭłady ŭ APK, ja zajmaŭsia raspracoŭkaj kancepcyi «kruhłaha stała» i liču, što «kruhły stoł» — heta najbolš prahmatyčny i mirny sposab vychadu z hłybokaha palityčnaha kryzisu, u jakim siońnia apynułasia Biełaruś. Nacyjanalny dyjałoh moža vyciahnuć Biełaruś z pastki vajny, i, kali nie budzie Łukašenki, heta najbolš realistyčny scenar dla našaj krainy», — dadaŭ śpikier Kaardynacyjnaj rady, namieśnik kiraŭnika NAU Arciom Bruchan.
Ciapier čytajuć
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»3838
Kamientary
Biełaruskaj movy na łacincy nie znajšoŭ, kab padpisacca?