Chto b jašče z pakaznoj radaściu pahadziŭsia z prynižalnym vypraŭleńniem? Tolki Łukašenka

Palityčny analityk Alaksandr Frydman padzialiŭsia svaimi razvahami adnosna ŭčarašniaj sustrečy Alaksandra Łukašenki i Uładzimira Pucina na vostravie Vałaam u Rasii. 

Padčas sustrečy na Vałaamie. Skrynšot ź videa

Adnym z samych charakternych epizodaŭ učorašniaj hutarki na łavačcy pamiž Umkam, Łukašenkam i Pucinym stali razvahi hościa pra Uzbrojenyja siły RF, jakija «adhryzuć, zachopiać i pojduć dalej» pa terytoryi Ukrainy. Pucin papraviŭ Łukašenku frazaj «viartajuć svajo», — z čym toj imhnienna pahadziŭsia.

U hetaj suviazi — try momanty, jakija charaktaryzujuć charaktar adnosin pamiž Łukašenkam i Pucinym:

1. Chto b jašče advažyŭsia pasadzić sabaku na łaŭku pobač z Pucinym i nadać samomu farmatu znosin jašče bolš karykaturnaści? Mabyć, tolki Łukašenka!

2. Kaho z postsavieckich lidaraŭ Pucin advažyŭsia b papravić nachabnaj frazaj «viartajuć svajo»? Takajeva? Pašyniana? Alijeva? Zrazumieła, nie. A voś Łukašenku — jak zahadčyka taho, što ličycca «svaim», — zrazumieła.

3. I chto b tak imhnienna i z pakaznoj radaściu pahadziŭsia z takim źnievažalnym «vypraŭleńniem»? Tolki Łukašenka!

Kamientary da artykuła