Pucin zajaviŭ Łukašenku, što va Ukrainie Rasija nie zachoplivaje terytoryi, a viartaje svaje. Toj zaśmiajaŭsia
Prezident Rasii Uładzimir Pucin padčas sustrečy z Alaksandram Łukašenkam na Vałaamie znoŭ zajaviŭ, što Rasija, maŭlaŭ, nie zachoplivaje ŭkrainskija terytoryi, a tolki viartaje toje, što ličyć svaim.
Pucin prakamientavaŭ situacyju vakoł horada Časaŭ Jar u Danieckaj vobłaści, pra zachop jakoha niadaŭna abviaściła rasijskaje Minbarony.
Padčas razmovy Łukašenka adznačyŭ, što Ukrainie treba sadzicca za stoł pieramovaŭ na ŭmovach Pucina, inakš rasijskija vojski, maŭlaŭ, «usio adhryzuć, zachopiać i pojduć dalej, advajujuć». Pucin paśpiašaŭsia papravić Łukašenku, što pra zachop nibyta havorki nie idzie: «Viernuć, — skazaŭ jon. — Heta — naša».
U červieni Pucin užo zajaŭlaŭ u Sankt-Pieciarburhu, što ličyć Ukrainu «našaj», bo rasijanie i ŭkraincy nibyta «adzin narod», a Rasija — tam, dzie stupaje naha rasijskaha sałdata.
Hetym razam Pucin znoŭ padkreśliŭ, što ličyć ukraincaŭ i rasijan «adnym narodam» i tamu nibyta maje prava na hetyja ziemli. Taksama Pucin paviedamiŭ, što rasijskaja armija, maŭlaŭ, nastupaje pa ŭsim froncie — u pryhraničnaj zonie i ŭ Danieckaj, Łuhanskaj, Zaparožskaj i Chiersonskaj abłaściach.
Što tyčycca rasijskich strat, to rasijski kiraŭnik zajaviŭ, što jany, maŭlaŭ, nie byli marnymi — zahinułyja vajskoŭcy nibyta stvaryli ŭmovy dla nastupleńnia i pieramohi.
Tak vyhladaŭ Alaksandr Łukašenka na Vałaamie FOTY
Pucin zajaviŭ ab sieryjnaj vytvorčaści «Arešnika»
Łukašenka vučyŭ Zialenskaha: «Ja chaču sustrecca z Pucinym» — nu što ty kryčyš pra heta?»
Łukašenka: Pastavić na kaleni Biełaruś i Rasiju nikomu nie ŭdasca
Pucin zapatrabavaŭ ad Ukrainy pryznać «refierendumy» na akupavanych terytoryjach i admovicca ad ustupleńnia ŭ «lubyja zamiežnyja sajuzy»
Ciapier čytajuć
Stała viadoma, dzie pracuje favarytka Łukašenki Uładlena Zajcava6
Kamientary
Siońnia Brent — $62, Urals — tańniej, biudžet Maskvy łopaje nižej za $42.4. Saudy hatovyja źnizić ceny, Tramp viedaje: heta finansavy hiljacin. Maskoŭskaja imperyja, jak saviecki “Zaparožac”, hudzie, ale nie jedzie. Niachaj zamiarzajuć — historyja ŭžo viedaje, čym heta skančajecca.