Cichanoŭski zaklikaŭ biełaruskuju dyjasparu vychodzić na pikiety
4 žniŭnia vilenskija biełarusy praviali pikietavańnie kala budynka biełaruskaj ambasady ŭ Litvie. U pikiecie pryniaŭ udzieł i Siarhiej Cichanoŭski, jaki vykłaŭ spravazdaču ź jaho ŭ svaim kanale «Strana dla žiźni».
Skrynšot ź videa
Cichanoŭski zaklikaŭ biełarusaŭ u inšych haradach ładzić takija pikiety i ŭdzielničać u ich, kab źviartać uvahu jeŭrapiejskich hramadstvaŭ na prablemu z palitviaźniami.
«Liču svaim abaviazkam zaklikać vas vychodzić na hetyja pikiety, arhanizoŭvajcie pikiety ŭ svaich krainach, u svaich haradach, dzie vy znachodziciesia. […] Davajcie pryciahvać uvahu da hetaj prablemy. Užo ŭsie stamilisia ŭ Jeŭropie, u Amierycy — užo ŭsie stamilisia ad hetaj prablemy. Ale ciapier, kali my nie budziem heta rabić, to my z vami prosta pakidajem hetych ludziej u turmach. Paviercie, kali ja siadzieŭ tam, ja bolš za ŭsio na śviecie chacieŭ, kab vy zmahalisia. Dyk zmahajciesia. […] Vy zaraz siadzicie i ničoha nie robicie, bolšaść z vas. Vy ŭžo adaptavalisia, vy ŭžo prystasavalisia, abo vy vyžyvajecie», — zajaviŭ Siarhiej Cichanoŭski.
Pavodle słoŭ byłoha palitviaźnia, jon razumieje, što mnohija prosta vyžyvajuć, ale viaźniam u turmach usio adno kudy horš.
Čytajcie taksama:
Siarhiej Cichanoŭski pierajazdžaje ŭ ZŠA? Nie, chłuśnia