Fejk zapuściŭ błohier-kanśpirołah Vital «Virus» Kandracienka. A rasijskaja «Sota», finansujemaja aliharcham Leanidam Nieŭźlinym, pasprabavała raźnieści infarmacyju pa internecie.
«Insajd» pra nibyta zapłanavany adjezd Siarhieja Cichanoŭskaha błohier-kanśpirołah Vital «Virus» Kandracienka paviedamiŭ svaim padpisčykam u kanałach, adnoŭlenych paśla paŭzy. Jon zajaviŭ, što Cichanoŭski raskazaŭ pra płany emihravać padčas sustrečy ŭ biełaruskim šełtery «Zamak», jaki znachodzicca ŭ Vilni.
Čytajcie taksama: Chto taki błohier-kanśpirołah Virus, jaki štodnia abražaje i plažyć biełaruski demakratyčny ruch?
Infarmacyja adrazu padchapiŭ rasijski prajekt «Sota», jaki finansujecca aliharcham-emihrantam Leanidam Nieŭźlinym.
Siarhiej Cichanoŭski niadaŭna kazaŭ, što sapraŭdy źbirajecca jechać u ZŠA — praŭda, havorki pra emihracyju nie było. Płany ŭ Cichanoŭskaha inšyja. Jon choča sustrecca ź biełaruskaj dyjasparaj, a taksama pravieści pieramovy z administracyjaj Trampa nakont vyzvaleńnia palitviaźniaŭ i danieści da ich svaje prapanovy — maŭlaŭ, amierykancy taksama pracujuć nad hetym. Taksama ŭ płanach sieryja intervju.
Mahčyma, na sustrečy ŭ «Zamku» Cichanoŭski havaryŭ inšaje? «Naša Niva» pahutaryła z udzielnikam toj sustrečy — jon zapeŭnivaje, što emihracyju ŭ ZŠA na joj nie zhadvali.
Pres-sakratar Cichanoŭskaha Siarhiej Biaspałaŭ paćviardžaje, što słovy Virusa — fejk. Akramia ZŠA, Cichanoŭski taksama naviedaje Kanadu. U abiedźviuch krainach zapłanavanyja intervju, sustrečy z dyjasparaj i pradstaŭnikami biznesu. Nijakaj havorki pra pierajezd niama.
«Naša Niva» — bastyjon biełaruščyny
PADTRYMAĆCiapier čytajuć
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary