U zakrytym pasiołku na Minskim mory kupili dom za miljon dalaraŭ. I heta ŭžo nie pieršy raz

U novym zakrytym pasiołku kala Minskaha mora kupili katedž za 984 tysiačy dalaraŭ. Jon akazaŭsia samym darahim domam, pradadzienym u Biełarusi ŭ červieni, piša Realt.by.

Pasiołak u pracesie budoŭli. Fota: Jandeks.Panarama

Budavać katedžy niedaloka ad plažu № 3 pačali ŭ 2022 hodzie. Placoŭkaj pad kompleks z nazvaj Miruar Spa-Hotel & Villas staŭ učastak, jaki ŭ savieckija hady zajmaŭ restaran «Zasłaŭje».

Niahledziačy na toje, što novy pasiołak vyras pobač ź vioskaj Zarečča-1, aficyjna jon adnosicca da ahraharadka Ždanovičy. Uvieś kompleks budzie składacca z 42 viłaŭ płoščaj 290-650 kvadrataŭ.

Jak skazana na sajcie prajekta, u kožnym domie praduhledžanyja basiejn, chamam, sauna i trenažornaja zała, a taksama prastornaja haścioŭnia z kaminam i niekalki asobnych spalniaŭ z vannymi pakojami i harderobnymi. Taksama na terytoryi budzie ŭnikalny Spa-hotel, sałon pryhažości, SPA, trenažornaja zała i kafe-restaran.

Malunak z sajta miruar.com

Ciapier adna častka (bližejšaja da vioski) jašče budujecca, a voś prybiarežnaja častka kompleksu, jakaja raźmiaściłasia siarod lesu niedaloka ad plaža Minskaha mora, užo hatovaja. I mienavita tut kupili toj samy dom.

Heta viła 2025 hoda pabudovy płoščaj 503,9 kvadratnaha mietra. Za jaje addali 984 ź liškam tysiačy dalaraŭ.

Darečy, tut ža kupili i samy darahi dom u Minskaj vobłaści ŭ červieni. Jon kaštavaŭ 1,07 miljona dalaraŭ.

Pasiołak u pracesie budaŭnictva. Fota: Jandeks.Panarama

Kamientary da artykuła